07.10.2026 | 16:20
Հայաստանի Կիոկուշին կարատեի ֆեդերացիան կանցկացնի «Սամուրայ» մրցաշարը
Կալանավորվել են 20-ամյա Արգիշտի Եղյանի երկու ծառայակիցները
Հասարակություն
16.05.2022 | 15:01
ՀՀ քննչական կոմիտեից տեղեկացնում են, որ ՔԿ զինվորական քննչական գլխավոր վարչության հինգերորդ կայազորային քննչական բաժնում պարտադիր ժամկետային զինծառայող, շարքային Արգիշտի Արմենի Եղյանի մահվան դեպքի առթիվ հարուցված քրեական գործի շրջանակներում կալանավորվել են վերջինս երկու համածառայակիցները:
«2022 թվականի մայիսի 11-ին՝ ժամը 10:15-ի սահմաններում, ՀՀ ՊՆ N զորամասի հրաձիգ-նռնակաձիգի օգնական, պարտադիր ժամկետային զինծառայող, շարքային Արգիշտի Արմենի Եղյանը, նույն զորամասի պահպանության տեղամասում գտնվող մարտական դիրքի դիտակետում իրեն ամրակցված ինքնաձիգից կրակոց արձակելով կրծքավանդակի շրջանին՝ ինքնասպան էր եղել:
Ձեռք բերված բավարար ապացույցների համակցությամբ՝ վերջինիս երկու համածառայակիցներին ՀՀ քրեական օրենսգրքի 360.1 հոդվածի 2-րդ մասի 1-ին, 2-րդ և 3-րդ կետերով և 360.1 հոդվածի 2-րդ մասի 1-ին և 3-րդ կետերով մեղադրանք է առաջադրվել և որպես խափանման միջոց նրանց նկատմամբ ընտրվել է կալանավորում:
Նախաքննությունը շարունակվում է»,- մասնավորապես ասված է քննչական կոմիտեի տարածած հաղղորդագրության մեջ:
Հիշեցնենք՝ Factor.am-ի հետ զրույցում, անդրադառնալով 20-ամյա զինծառայողի մահվան հանգամանքներին, իրավապաշտպան Ժաննա Ալեքսանյանը քննադատել էր Քննչական կոմիտեի մոտեցումը, որի տարածած պաշտոնական հաղորդագրության մեջ դեռևս նախաքննության փուլում դեպքը ներկայացվում է որպես ինքնասպանություն։
