28.06.2026 | 23:14
Թուրքիան արձագանքել է Իսրայելի կառավարության կողմից Հայոց ցեղասպանության ճանաչմանը
Անկարան պետք է դիվանագիտական նուրբ հավասարակշռություն պահպանի Մոսկվայի և Կիևի միջև. Քալըն
Քաղաքականություն
16.05.2022 | 16:56
Անկարան պետք է դիվանագիտական նուրբ հավասարակշռություն պահպանի Մոսկվայի և Կիևի միջև, «պատժելու համար Ռուսաստանի վրա ճնշումն ուժեղացնելը անօգուտ կլինի»։ Այս մասին հայտարարել է Թուրքիայի նախագահի արտաքին քաղաքականության գծով պաշտոնական խոսնակ, գլխավոր խորհրդական Իբրահիմ Քալընը։
«Թուրքիան պետք է պահպանի նուրբ դիվանագիտական հավասարակշռությունը Ուկրաինա ՌԴ ներխուժումից հետո, որպեսզի կարողանա նպաստել բանակցությունների միջոցով պատերազմի դադարեցման հնարավորությանը։ Չնայած Անկարան քննադատում է Մոսկվային ներխուժումն ու նրա գործողությունները մարտի դաշտում՝ անօգուտ կլիներ ՌԴ-ի դեմ ավելի պատժիչ դիրքորոշում բռնելը»,- նրա խոսքերն է մեջբերում Reuters-ը։
«Մենք սկզբից ի վեր դեմ ենք հանդես եկել այս պատերազմին։ Նրանց պետք է ինչ-որ մեկը՝ վստահելի գործընկեր, բանակցող, միջնորդ, մոդերատոր, ինչ-որ մեկը, որը կարող է խոսել և՛ ռուսական, և՛ ուկրաինական կողմի հետ։ Մենք կարողացանք պահպանել այս դիրքորոշումը պատերազմի հենց սկզբից, և ես կարծում եմ, որ իսկապես ընդհանուր շահերից է բխում, որ բոլորը հավասարակշռված դիրքորոշում ցուցաբերեն»,- հավելել է թուրք պաշտոնյան:
Տաթև Ֆռանգյան
