31.10.2024 | 23:28
PKK-ի բարձրաստիճան ղեկավարն Անկարայի հետ խաղաղության նոր գործընթացը կապում է Օջալանի «ֆիզիկական ազատության» հետ
«Ում հետ» կամ «ում դեմ» դաշինք կազմելու գաղափարը պետք է փոխարինել ինքնիշխանության գաղափարով. Վահան Արծրունի․ՏԵՍԱՆՅՈՒԹ
Հաղորդաշարեր
15.05.2022 | 19:00
«Փողոցային պայքարի ելած ընդդիմադիրների այս շարժումը քաղաքական ռևանշիզմ է, որը պետք է տարբերել ժողովրդական ցասումից: Իշխանությունից դժգոհ ժողովրդի հատվածի նպատակը կոնկրետ է` դուրս գալ երկրում ստեղծված իրավիճակից. այդ ցանկությունն արդեն հասունացել է: Իսկ ընդդիմադիր առաջնորդների նպատակն իշխանափոխությունն է. չի խոսվում իշխանափոխության մեխանիզմների, նպատակների, ճանապարհային քարտեզների ու կոնցեպտի մասին»,- Factor TV-ի հետ զրույցում նման տեսակետ է հայտնում կոմպոզիտոր, երգիչ Վահան Արծրունին:
Նրա համոզմամբ`հիմա մեր ժողովուրդը քաղաքացիական նպատակի ձևավորման փուլում է. «Հիմա ընդդիմությունն է ուղղորդում այդ ընթացքը, բայց իրականում ժողովրդական շարժման գիտակցության դրսևորումը շատ ավելի լայն է ու ընդգրկուն»:
Վահան Արծրունու խոսքով`միակ գաղափարը, որի շուրջ միաբանվել ու միշտ է միաբանվելու մեր պետությունը`ազգային, ինքնիշխան պետության գաղափարն է. «Երբ օրակարգում այս գաղափարը չէ և այն փոխարինվում է «ում հետ պետք է դաշինք կազմել» կամ «ում դեմ պետք է դաշինք կազմել» գաղափարներով, հասարակական ապստամբությունը ուշանում է: Ամեն դեպքում, հեռու չէ այն օրը, երբ ինքնիշխանության գիտակցումը նորից կձևավորվի որպես նպատակ»:
Մանրամասները`տեսանյութում:
Աննա Բաբաջանյան
