08.06.2026 | 20:12
Էրդողանն ընդունել է Պոլսի Հայոց պատրիարքին
Անկարան ու Բաքուն ընդլայնում են համագործակցությունը անվտանգային ոլորտում․Թուրքիայի ԱԽ քարտուղարը պաշտոնական այցով Բաքվում է
Քաղաքականություն
13.05.2022 | 16:55
Թուրքիայի Ազգային անվտանգության խորհրդի գլխավոր քարտուղար Սեյֆուլլահ Հաջիմյուֆթօղլուն պաշտոնական այցով Ադրբեջանում է։ Տեղական լրատվամիջոցների հաղորդմամբ՝ Ադրբեջանի պաշտպանության նախարար Զաքիր Հասանովը նախօրեին ընդունել է թուրքական պատվիրակությանը։
Նշվում է, որ հանդիպման ընթացքում քննարկվել են ռազմական, ռազմատեխնիկական ու ռազմակրթական ոլորտում համագործակցության հարցերը։ Կողմերը մտքեր են փոխանակել ադրբեջանա-թուրքական համագործակցության զարգացման հեռանկարների, ինչպես նաև հետաքրքրություն ներկայացնող մի շարք այլ հարցերի շուրջ։
Հաջիմյուֆթօղլուի գլխավորած պատվիրակությանն ընդունել է նաև Ադրբեջանի պետական անվտանգության ծառայության ղեկավար Ալի Նագիևը։ Նա խոսել է անցյալ հունիսի 15-ին ստորագրված Շուշիի հռչակագրին համապատասխան նվտանգության ոլորտում երկու երկրների միջև համագործակցության ընդլայնման մասին։ Հաջիմյուֆթօլուն գոհունակություն է հայտնել անվտանգության հարցերում միջպետական համագործակցության մակարդակից և կարևորել այդ հարաբերությունների շարունակական զարգացումը։
Էմմա Չոբանյան
