24.05.2026 | 15:50
Տեղամասային կենտրոնի փոփոխություն՝ օնլայն դիմումով․ ԿԸՀ-ի պարզաբանումը
Զինված հարձակում «Ծիրան» սուպերմարկետի վրա
26.06.2017 | 12:00
Հունիսի 25-ի լույս 26-ի գիշերը Նոր Նորքում գործող «Ծիրան» սուպերմարկետի վրա զինված հարձակում է տեղի ունեցել, սակայն սուպերմարկետի անվտանգության աշխատակիցները կանխել են հանցագործությունը, իսկ դիմակավորված անձը, թողնելով ատրճանակը, դիմել է փախուստի։ Այս մասին Factor.am-ի հետ զրույցում ասաց ՀՀ ոստիկանության ԶԼՄ-ների հետ կապի բաժնի պետ Էդգար Ջանոյանը։
«Հունիսի 26-ին՝ ժամը 03:00-ին Ոստիկանությունն ահազանգ է ստացել, որ նույն օրը ժամը 02:00-ի սահմաններում դիմակավորված անձը մուտք է գործել Գայի պողոտայում գտնվող սուպերմարկետներից մեկը, մոտեցել է դրամարկղին և պահանջել բացել այն»,- ասաց Էդգար Ջանոյանը:
Ջանոյանի խոսքով՝ ձեռնարկվում են միջոցառումներ անհայտ անձի ինքնությունը ճշտելու և նրան հայտնաբերելու ուղղությամբ:
ՀՀ քննչական կոմիտեի նախագահի խորհրդական Սոնա Տռուզյանից հետաքրքրվեցինք՝ արդյոք սուպերմարկետի տարածքում գտնվող տեսախցիկները չեն ֆիքսել անհայտ անձի դեմքը, ինչին Տռուզյանը պատասխանեց, որ դա նախաքննական գաղտնիք է․ «այս պահին չեն կարող հրապարակել»։
