20.11.2024 | 09:31
ՀՀ տարածքում ավտոճանապարհներն անցանելի են
Միխեիլ Սաակաշվիլին մասնավոր կլինիկա է տեղափոխվել
Քաղաքականություն
12.05.2022 | 19:14
Վրաստանի նախկին նախագահ Միխեիլ Սաակաշվիլիին Ռուսթավիի 12-րդ քրեակատարողական հիմնարկից տեղափոխել են «Վիվամեդ» կլինիկա, գրում է Գրուզիա օնլայնը։
Կլինիկային հարակից տարածքում մոբիլիզացվել են Հատուկ քրեակատարողական ծառայության մեքենաները, տարածքը երկու կողմից զատվել է դեղին ժապավենով:
Վրաստանի նախկին նախագահը բուժզննման կենթարկվի, ապա կմնա այդ հիվանդանոցում՝ բուժվելու համար: Իշխանությունները չեն հայտնում, թե կոնկրետ ինչ ախտորոշմամբ է Սաակաշվիլին փոխադրվել հիվանդանոց:
Ընտանիքի անդամների և «Ազգային շարժման» անդամների խոսքով՝ Սաակաշվիլիի առողջական վիճակը վերջին շրջանում կտրուկ վատացել է, և նա պատշաճ բուժման կարիք ունի։ Միխեիլ Սաակաշվիլիի մայրը՝ Ջուլի Ալասանիան կարծում է, որ նրան պետք է տեղափոխել արտերկիր՝ բուժման։
Տաթև Ֆռանգյան
