18.05.2026 | 23:42
«Անկախ դիտորդ»-ը պահանջում է ազատ արձակել Արթուր Օսիպյանին և պարզաբանում տալ նրա ձերբակալության հիմքերի վերաբերյալ
Իրանը քննադատել է Թուրքիային սահմանային ջրերի վրա ամբարտակ կառուցելու համար
Քաղաքականություն
12.05.2022 | 15:19
Իրանն անընդունելի է որակել Թուրքիայի կողմից ընդհանուր ջրային ուղիներով ամբարտակների կառուցումը՝ կոչ անելով իր հարևանին դադարեցնել նման գործունեությունը, գրում է Turkish Minute-ը։
«Թուրքիայի կողմից ամբարտակների կառուցումը սահմանային ջրերի վրա անընդունելի է, մենք դեմ ենք դրան»,- ասել է Իրանի ԱԳ նախարար Հոսեյն Ամիր Աբդոլլահիանը։
Խորհրդարանում ունեցած ելույթում նա հայտնել է, որ հարցը բարձրացվել է վերջին ամիսներին առնվազն երեք անգամ՝ Նյու Յորքում և Թեհրանում երկու դեմ առ դեմ հանդիպումների և Թուրքիայի արտգործնախարարի հետ հեռախոսազրույցի ընթացքում։
«Ես ասել եմ նրան, որ պետք է հատուկ ուշադրություն դարձնել Արաքս գետի վրա ամբարտակների շինարարությանը»,- ասել է Աբդոլլահիանը։
Նա նաև նշել է, որ թեև «ջրային համագործակցության վերաբերյալ երկկողմ համաձայնագիր չկա, որպես հարևաններ, չորս ամիս առաջ Թուրքիայի կառավարությանը խնդրել ենք ստեղծել ջրի հարցերով երկկողմ հանձնաժողով՝ արձագանքելու ոլորտում առկա մտահոգություններին»:
Աբդոլլահիանի խոսքերը հնչում են այն ֆոնին, երբ Իրանը վերջին տարիներին երաշտի խնդրի է բախվում կլիմայական փոփոխությունների, ինչպես նաև հարևանների կողմից ամբարտակների կառուցման պատճառով։
Արաքս գետի վրա Թուրքիայի կողմից ամբարտակի կառուցումը հատուկ վտանգ է ներկայացնում Իրանում ջրի հասանելիության համար:
Էմմա Չոբանյան
