13.09.2026 | 21:40
Ցեմենտի շուկայում պակասուրդը պայմանավորված է հարևան երկրներից եկող մատակարարումների խաթարումներով․ Գևորգ Պապոյան
Իլհամ Ալիևը կնոջ հետ կրկին գրավյալ հայկական Շուշի է այցելել․ ԼՈՒՍԱՆԿԱՐՆԵՐ
Քաղաքականություն
11.05.2022 | 13:15
Ադրբեջանի նախագահ Իլհամ Ալիևը կնոջ՝ Մեհրիբան Ալիևայի հետ նախօրեին այցելել է Արցախի գրավյալ հայկական Շուշի։ Ադրբեջանական լրատվամիջոցները հաղորդում են, որ Ալիևներին զեկուցել են Շուշիի վարչական շենքում հարդարման և շենքի շրջակայքի բարեկարգման ավարտական աշխատանքների մասին։
Բացի այդ, նրանք ծանոթացել են բաղնիքի, ոմն թառահար և կոմպոզիտոր Սադիգջանի տան վերականգնողական աշխատանքներին, որոնք իրականացվելու են Հեյդար Ալիևի հիմնադրամի կողմից։
Ալիևները ծանոթացել են նաև նոր հյուրանոցի և Շուշիի ռեալական ուսումնարանի վերանորոգման և վերականգնման աշխատանքներին: Հերթական քարոզչական այցի ընթացքում Ալիևները մասնակցել են Շուշիի «Ազերիշիգ» թվային կառավարման կենտրոնի բացմանը։
Ի դեպ, Շուշի այցից առաջ Ադրբեջանի նախագահն ու առաջին փոխնախագահը եղել են նաև Վարանդայում։
Էմմա Չոբանյան
