23.05.2026 | 12:52
Ցմահ դատապարտյալ Արթուր Քոչարյանն ազատ է արձակվել
Մենք միասնական որոշում ունենք, որը կհայտնենք նիստի ընդմիջումի ավարտից հետո. Վահրամ Բաղդասարյան
Քաղաքականություն
01.05.2018 | 16:57
Ազգային ժողովի ՀՀԿ խմբակցությունը վարչապետի պաշտոնում Նիկոլ Փաշինյանի թեկնածության վերաբերյալ միասնական որոշում ունի, որի մասին ելույթի ժամանակ կհայտնի ՀՀԿ խմբակցության ղեկավար Վահրամ Բաղդասարյանը:
Ազգային ժողովում ՀՀԿ խմբակցության նիստից հետո լրագրողների հետ զրույցում այս մասին ասաց ՀՀԿ խմբակցության ղեկավար Վահրամ Բաղդասարյանը: «Մեր որոշումը միասնական է, որի մասին մի քիչ հետո ելույթի ժամանակ ես կհայտնեմ»,- նշեց Բաղդասարյանը:
Հստակեցնող հարցին՝ միասնական ասելով նկատի ունի ձայների առումո՞վ, թե՞ որոշման, Վահրամ Բաղդասարյանը պատասխանեց. «Որոշման»:
Հարցին, հնարավո՞ր է միասնական որոշում լինի դեմ քվեարկելու մասին, սակայն որոշ պատգամավորներ կողմ քվեարկեն, Բաղդասարյանը պատասխանեց. «Ես ձեզ մի քանի անգամ ասել եմ՝ քաղաքականության մեջ ոչինչ բացառել չի կարելի»:
ՀՀԿ խմբակցության ղեկավարը նաև նշեց՝ քվեարկության վրա իրենք չեն բռնանալու:
