Ո՞վ է լինելու ընդդիմության վարչապետի թեկնածուն. Փաշինյանի հրաժարականը պահանջողներն անուններ չեն նշում. ՏԵՍԱՆՅՈՒԹ

Լուրեր

20.11.2026 | 11:20
Արտարժույթների փոխարժեքները՝ նոյեմբերի 20-ի դրությամբ
20.11.2026 | 11:08
Total Chess. Հայկ Մարտիրոսյանը հաղթել է Արջուն Էրիգաիսիին
20.11.2026 | 10:58
Թրամփը համաձայն է Ուկրաինայի վերաբերյալ որոշումներ չկայացնել՝ առանց Կիևի անմիջական մասնակցության
20.11.2026 | 10:50
Հայ ծանրոդների մրցելույթների ծամանակացույցը Դոհայի վարկանիշային մրցաշարում
20.11.2026 | 10:43
ՀՀ դեսպանը մասնակցել է Թրամփի Մար-ա-Լագո առանձնատանը կայացած միջոցառմանը․ շփումներ է ունեցել ԱՄՆ պաշտոնյաների հետ․ ԼՈՒՍԱՆԿԱՐՆԵՐ
20.11.2026 | 10:34
Երեխաների նկատմամբ բռնությունը, բուլինգը և կրթության հասանելիությունը շարունակում են խնդիր մնալ․ ՄԻՊ
20.11.2026 | 10:25
ՌԴ-ն զանգվածային հրթիռային հարված է հասցրել Ուկրաինային․ Կիևում երեք կամուրջ է վնասվել, զոհեր կան
20.11.2026 | 10:15
ՀՀ տարածքում ավտոճանապարհները հիմնականում անցանելի են
20.11.2026 | 10:10
Ռոբերտ Քոչարյանի և մյուսների գործով դատական նիստը՝ ՈՒՂԻՂ
20.11.2026 | 10:09
«Ականատես»-ը ներկայացնում է ԱԺ ընտրությունների դիտորդական առաքելության ամփոփիչ զեկույցը. ՈՒՂԻՂ
20.11.2026 | 10:00
ԱԺ-ն շարունակում է քննարկել 2027 թվականի բյուջեի նախագիծը. ՈՒՂԻՂ
20.11.2026 | 09:55
«Կամավորների կոալիցիան» խոստացել է շարունակել աջակցությունն Ուկրաինային ու ձմռանը էներգետիկ հրադադարի կոչ արել
20.11.2026 | 09:46
Երևանում հրդեհ է բռնկվել խմորեղենի արտադրամասում․ դեպքի վայր է մեկնել հրշեջների 4 մարտական հաշվարկ
20.11.2026 | 09:30
Ամփոփիչ մրցաշար. Առաջին ռակետը 100 տոկոսանոց արդյունքով է դուրս եկել կիսաեզրափակիչ. ՏԵՍԱՆՅՈՒԹ
19.11.2026 | 23:55
ՀՖՖ նախագահի ընտրություններում Գևորգ Ղազարյանի թեկնածությունն առաջադրել է «Շիրակը»
Բոլորը

Նիկոլ Փաշինյանի հրաժարականի պահանջով շուրջ երկու շաբաթ փողոցային ակցիաներ իրականացնող ընդդիմությունը վերջապես գաղտնազերծեց իր գործողությունների պլանը, թե ինչ է հաջորդելու իշխանափոխությանը, եթե այն տեղի ունենա: Ընդդիմադիրները նախևառաջ խոստանում են արտաքին անվտանգության հաստատում, Թուրքիայի և Ադրբեջանի հետ ուղիղ բանակցություններ, Արցախի ինքնորոշման երաշխավորություն և Բաքվում պահվող գերիների վերադարձ:

Թե ինչ ճանապարհով են հասնելու Բաքվում պահվող ռազմագերիների հայրենիք վերադարձին, ընդդիմադիրները չեն բացահայտում: Ռոբերտ Քոչարյանի թիմակից Արամ Վարդևանյանն այսօր Factor TV-ի հարցին ի պատասխան՝ այսպիսի բանաձև առաջարկեց․ «Մի բանաձև առաջարկեմ․ ցանկացած հայ իշխանություն չի ասելու, որ ռազմագերիները գոյություն չունեն, և սա արդեն այն մթնոլորտն է ստեղծում, որ զբաղվենք գերիների վերադարձով»։

Իշխան Սաղաթելյանն ապագայի իրենց ծրագրերը ներկայացնելիս հայտարարել էր, որ փողոց դուրս եկած քաղաքական ուժերի կողմից կձևավորվի ազգային համաձայնության կառավարություն: Ըստ նրա՝ այդ կառավարությունը Հայաստանում իշխելու է 1-1.5 տարի ժամկետով, որից հետո անցկացվելու են արտահերթ ընտրություններ:

Նիկոլ Փաշինյանի խաղաղության օրակարգը, արտաքին, անվտանգային և տնտեսական քաղաքականությունը սուր քննադատող ընդդիմությունը, մինչդեռ, չի հայտարարում, թե ովքեր են զբաղեցնելու վարչապետի, պաշտպանության նախարարի, ԳՇ պետի, ԱԳՆ ղեկավարի և մյուս առանցքային պաշտոնները: Իսկ ուղիղ հարցին՝ արդյո՞ք իր քաղաքական ղեկավար Ռոբերտ Քոչարյանը հավակնում է վարչապետի պաշտոնին, Արամ Վարդևանյանը պատասխանեց․ «Ես ասում եմ՝ Նիկոլ Փաշինյանը հեռանալու է, Հայաստանից եռատոն խլած իշխանությունը հեռանալու է: Սա է իմ պատասխանը, գուցե այն Ձեզ չի բավարարում»։

Ի դեպ, նշենք, որ այդ հարցը որևէ կերպ չի մեկնաբանել նաև Ռոբերտ Քոչարյանը: Մինչդեռ, Սերժ Սարգսյանի ղեկավարած ՀՀԿ-ից հայտնել են, որ Սարգսյանը որևէ պաշտոնի չի հավակնում: Այս պահին պարզ է միայն մի բան․ ըստ Իշխան Սաղաթելյանի՝ նախկին օդիոզ դեմքերը չեն լինելու հավանական կառավարության կազմում:

Նիկոլ Փաշինյանի ղեկավարած «Քաղաքացիական պայմանագիր» կուսակցությունից ընդդիմության նոր կառավարություն ձևավորելու մտադրությունն ու ճանապարհային քարտեզն անլուրջ են որակում: Իշխանական պատգամավոր Վիգեն Խաչատրյանի խոսքով՝ ընդդիմության սցենարը կմնա անկատար, քանի որ չունեն ժողովրդի աջակցությունը:

Ի դեպ, նշենք, որ երեկ Իշխան Սաղաթելյանն ընդդիմադիրների ճանապարհային քարտեզը ներկայացնելիս անդրադարձ չկատարեց նախկին և ներկա իշխանությունների օրոք ենթադրյալ թալանվածը հետ բերելուն, ինչի մասին խոսել էր շարժման առաջին օրերին: Ընդդիմադիրները վաղը շարունակելու են ակցիաները և հանրահավաքները:

Մանրամասները՝ տեսանյութում։

Նարեկ Կիրակոսյան