08.06.2026 | 15:36
ՄԻՊ ներկայացուցիչներն այցելել են «Զվարթնոցում» ձերբակալված Հովհաննես Սահակյանին
Բաքվում Թուրքիայի դեսպանը խոսել է Շուշիում թուրքական հյուպատոսության բացման բանակցությունների մասին
Քաղաքականություն
10.05.2022 | 15:26
Բաքվում Թուրքիայի դեսպան Ջավիդ Բահչին կրկին խոսել է Արցախի գրավյալ հայկական Շուշիում թուրքական հյուպատոսության բացման ծրագրերի մասին։ Ադրբեջանական լրատվամիջոցների հաղորդմամբ՝ Բահչին այսօր նման հայտարարություն է արել լրագրողների հետ զրույցում։
«Ադրբեջանի և Թուրքիայի ԱԳ նախարարությունների միջև բանակցություններ են ընթանում Շուշիում թուրքական հյուպատոսություն բացելու շուրջ»,- ասել է թուրք դիվանագետը։
Հավելենք, որ Արցախյան 44-օրյա պատերազմի ավարտից հետո թուրքական կողմը բազմիցս է հայտարարել հայկական քաղաքում հյուպատոսություն բացելու աշխատանքների մասին։ Նույնիսկ Թուրքիայի նախագահ Ռեջեփ Թայիփ Էրդողանն է անցյալ տարվա հունիսի 15-ին՝ «Շուշիի հռչակագրի» ստորագրման ժամանակ հայտարարել գլխավոր հյուպատոսություն բացելու ծրագրերի մասին, սակայն գործնականում որևէ քայլ այդ ուղղությամբ դեռևս չի արվել։
Էմմա Չոբանյան
