20.08.2026 | 19:27
Մեզ դրա համար նստացնում էին, ձեզ՝ չէ․ Լիանա Մանուկյանը՝ ՔՊ-ականներին. ՏԵՍԱՆՅՈՒԹ
Բայրամովը հայտարարել է, որ Ադրբեջանն ու Հայաստանը համաձայնեցրել են սահմանների դելիմիտացիայի հանձնաժողովի կազմը
Քաղաքականություն
10.05.2022 | 13:40
Ադրբեջանը Հայաստանին է փոխանցել սահմանների դելիմիտացիայի կազմի մասին առաջարկները։ Տեղական լրատվականների հաղորդմամբ՝ այս մասին հայտարարել է Ադրբեջանի ԱԳ նախարար Ջեյհուն Բայրամովը։
«Ապրիլի 6-ին Բրյուսելում Ադրբեջանի նախագահի, Հայաստանի վարչապետի և Եվրոպական խորհրդի նախագահի մասնակցությամբ Բրյուսելում կայացած հանդիպումից հետո ձեռք բերված պայմանավորվածություններից մեկը սահմանների դելիմիտացիայի հանձնաժողովի ստեղծումն էր։ Հանձնաժողովի առաջին հանդիպումը նախատեսվում էր անցկացնել ապրիլի վերջին։ Դրանից հետո ես երկու հեռախոսազրույց եմ ունեցել Հայաստանի ԱԳ նախարարի հետ։ Հեռախոսազրույցների ընթացքում մենք առաջարկություններ են արել հանձնաժողովի կազմի վերաբերյալ»,- ասել է Բայրամովը։
Նա նշել է, որ հաշվի առնելով հայ-ադրբեջանական սահմանի սահմանազատման գործընթացի մի շարք առանձնահատկություններն և տարբերությունները՝ համեմատած հարևան մյուս երկրների հետ, ադրբեջանական կողմի առաջարկն էր, որ հանձնաժողովը կազմակերպվի այլ ձևաչափով։
«Ադրբեջանական կողմի առաջարկը կայանում է նրանում, որ Ադրբեջանի կողմից հանձնաժողովը ղեկավարող անձը պետք է լինի փոխվարչապետի մակարդակով։ Եվ Հայաստանի ԱԳ նախարարի հետ իմ առաջին հեռախոսազրույցում նա ըմբռնումով մոտեցավ ու ասաց, որ քննարկումների համար հայկական կողմին անհրաժեշտ է լրացուցիչ ժամանակ։ Ավելի ուշ այդ առաջարկն ընդունվեց։ Կողմերը համաձայնեցրել են հանձնաժողովի կազմը։ Սակայն առաջին նիստը դեռ տեղի չի ունեցել։ Ադրբեջանական կողմը պատրաստ է եղել անցկացնել այդ հանդիպումն ապրիլին, և մենք պատրաստ ենք նորից անցկացնել»,- ասել է Ադրբեջանի ԱԳ նախարարը։
Էմմա Չոբանյան
