09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
BP-ի տարածաշրջանային նախագահը հայկական գրավյալ Շուշի է այցելել
Քաղաքականություն
09.05.2022 | 17:38
Ադրբեջանի իշխանությունները հերթական քարոզչական միջոցառումն են կազմակերպել Արցախի գրավյալ Շուշիում։ Մասնավորապես, ադրբեջանական տիրույթում ակտիվորեն լուսանկարներ և տեսանյութեր են տարածվում, թե ինչպես է բրիտանական BP նավթագազային ընկերության պաշտոնյաներից մեկը հայկական Շուշիում պարում։ Խոսքը Ադրբեջանում, Վրաստանում և Թուրքիայում ընկերության տարածաշրջանային նախագահ Գարի Ջոնսի մասին է։
Ադրբեջանական լրատվականները հայտնում են, որ հայկական Շուշիում անցկացվել է խոհարարական միջազգային փառատոն, որին մասնակցել են տարբեր երկրներից հյուրեր, այդ թվում՝ Գարի Ջոնսը։
Միջոցառումն անցկացվել է մայիսի 5-8-ը, որին մասնակցել են խոհարարներ ու միջազգային փորձագետներ, Թուրքիայից, ՌԴ-ից, Գերմանայից, Չինաստանից, Ֆրանսիայից, Վրաստանից, Իրանից, Իսրայելից, Իտալիայից, Ղազախստանից, Ուզբեկստանից, Կանադայից և այլ երկրներից։ Ջոնսի՝ Շուշի այցի մասին այլ տեղեկություններ չեն հաղորդվում։
Էմմա Չոբանյան
