19.05.2026 | 14:27
Ադրբեջանն իրական շահագրգռվածություն է ցուցաբերում՝ փակելու Հայաստանի հետ հակամարտության էջը. Բայրամով
Դիարբեքիրի Սուրբ Կիրակոս հայկական եկեղեցին վերաբացվել է 7 տարվա դադարից հետո․ ԼՈՒՍԱՆԿԱՐՆԵՐ
Մշակույթ
09.05.2022 | 14:14
Մերձավոր Արևելքի հայկական ամենամեծ՝ Դիարբեքիրի Սուրբ Կիրակոս եկեղեցին 7 տարվա ընդմիջումից հետո վերաբացվել է, գրում է Bianet-ը։
Առաջին պատարագը մատուցվել է մայիսի 8-ին՝ Պոլսո հայոց պատրիարք Սահակ Մաշալյանի մասնակցությամբ։
Սուրբ Կիրակոսը տուժել է բազմաթիվ հրդեհներից ու տարիներ շարունակ ավերակ է եղել։ Դիարբեքիրի համայնքապետարանի և հայ համայնքի ջանքերով եկեղեցին 30 տարի անց վերակառուցել ու վերաբացվել էր 2012 թվականին։ 2015-ին այն ստացել է Եվրոպական միության ժառանգության մրցանակը։
2015-2016 թվականներին Դիարբեքիրի Սուր թաղամասում տեղի ունեցած բախումների ժամանակ, սակայն, Սուրբ Կիրակոս եկեղեցին կրկին վնասվել էր ու փակվել։
Սուրբ Կիրակոս եկեղեցին ավելի քան 800 տարվա պատմություն ունի՝ կառուցվել է 1376 թվականին։ Նախկինում այն բազմիցս ավերվել և վերականգնվել է, իսկ որոշ հատվածներ ամբողջությամբ վերակառուցվել են 1880-ականներին։ Առաջին համաշխարհային պատերազմի տարիներին եկեղեցին ծառայել է որպես գերմանական կենտրոնակայան, այնուհետև օգտագործվել որպես Sümer Bank-ի շենք։ Եկեղեցին կրկին որպես պաշտամունքի վայր օգտագործվել է 1960-1980 թվականներին և 30 տարի փակ մնալուց հետո՝ 2012 թվականին վերաբացվել։
Էմմա Չոբանյան
