19.12.2025 | 23:07
Պետությունը շարունակելու է աշխատանքներ իրականացնել սոցբնակարանային ֆոնդի ընդլայնման ուղղությամբ. ԱՍՀ նախարար
Գագիկ Խաչատրյանը պատրաստվում է վիճարկել առանձնատան բռնագանձման հայցը
Հասարակություն
07.05.2022 | 22:05
Գագիկ Խաչատրյանի փաստաբանական խումբը հայտաքրարություն է տարածռլ՝ անդրադառնալով ԱՄՆ-ում Խաչատրյաններին պատկանող հսկայական առանձնատան բռնագանձման գործընթացին։
«Ս.թ. մայիսի 5-ին ԱՄՆ Կալիֆորնիա նահանգի Կենտրոնական շրջանի դատարանում հայցադիմում է ներկայացվել ԱՄՆ Լոս Անջելեսի Հոմբի Հիլզ թաղամասում Խաչատրյաններին պատկանող կոմերցիոն նշանակության անշարժ գույքի բռնագանձման պահանջով:
Խաչատրյանների փաստաբանական խումբը այս գործընթացը որակել է որպես բիզնեսմենների ազատ տնտեսական գործունեության խոչընդոտման հերթական դեպք, որն իրականացվում է առանց այն հաստատող որևէ հիմնավոր ապացույցի։ Խումբը հայտնել է, որ առկա են բոլոր իրավական հիմքերը հայցադիմումի օրինականությունը վիճարկելու օրենքով սահմանված բոլոր ատյաններում, ինչի ուղղությամբ արդեն իսկ ձեռնարկվում են միջոցներ»,- մասնավորապես ասված է հայտարարության մեջ:
Ավելի վաղ տեղեկացրել էինք, որ ԱՄՆ-ի իրավապահները Հայաստանի ֆինանսների նախկին նախարար Գագիկ Խաչատրյանին և նրա որդիներին՝ Գուրգեն և Արտյոմ Խաչատրյաններին պատկանող հսկայական առանձնատան բռնագանձման գործընթաց են սկսել:
Շքեղ առանձնատան արժեքը 63,5 մլն դոլար է․ Խաչատրյանները հենց այս գնով են այն վաճառքի հանել՝ այն դեպքում, երբ, ամերիկյան պաշտոնական աղբյուրների փոխանցմամբ, տունը 2011 թվականին գնել են 14,4 միլիոն դոլարով։
