09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Amnesty International-ը հաստատել է Բուչայում ռուսական բանակի ռազմական հանցագործությունները
Քաղաքականություն
07.05.2022 | 19:44
Amnesty International իրավապաշտպան կազմակերպությունը հաստատել է Կիևի մարզում ռուսական բանակի ռազմական հանցագործությունները։ Խոսքը Բորոդյանկայի վրա օդային հարվածների և այլ քաղաքներում ու գյուղերում, այդ թվում՝ Բուչայում և այլ բնակավայրերում արտադատական մահապատիժների մասին է: Այս մասին ասված է Amnesty International-ի նոր զեկույցում։
Օրինակ՝ Բուչայում և Կիևից հյուսիս-արևմուտք գտնվող մի քանի այլ քաղաքներում ու գյուղերում կազմակերպությունը արձանագրել է ռուսական ուժերի կողմից ապօրինի սպանությունների առնվազն 22 դեպք, որոնց մեծ մասը «ակնհայտ արտադատական մահապատիժներ են եղել»:
Հետաքննության 12 օրվա ընթացքում Amnesty International հետազոտական թիմը հարցաքննել է տասնյակ տեղացի բնակիչների և այցելել բազմաթիվ սպանությունների վայրեր:
Amnesty International-ը Բորոդյանկայում առնվազն 40 քաղաքացիական է զոհվել՝ գնդակոծությունների և ավիահարվածների հետևանքով:
Իրավապաշտպանները կոչ են արել Ուկրաինայի իշխանություններին, միջազգային քրեական դատարանին և այլ սուբյեկտներին ապահովել ապացույցների պահպանումը, որոնք ապագայում կօգնեն ռուս զինվորականներին պատասխանատվության ենթարկել ռազմական հանցագործությունների համար:
