18.05.2026 | 22:19
Վրաստանն ու Ադրբեջանը էներգետիկայի և տրանսպորտի ոլորտներում համաձայնագրեր են ստորագրել
Մեծ Բրիտանիայում գրանցվել է կապիկի ջրծաղիկով մարդու վարակման դեպք
07.05.2022 | 19:22
Մեծ Բրիտանիայի Առողջապահության Գործակալությունը (UKHSA) արձանագրել է կապիկների ջրծաղիկով մարդու վարակման դեպք, ասվում է գործակալության հաղորդագրության մեջ։
Հիվանդը վերջերս վերադարձել է Նիգերիայից, որտեղ ենթադրվում է, որ նա վարակվել է նախքան Մեծ Բրիտանիա մեկնելը:
Կապիկների ջրծաղիկը հազվագյուտ վիրուսային վարակ է, որը փոխանցվում է մարդկանց։ Սովորաբար մարդկանց մեծ մասը ապաքինվում է մի քանի շաբաթվա ընթացքում, սակայն որոշ բարդություններ են հնարավոր: Գերատեսչությունում նշել են, որ վարակը կարող է տարածվել վարակված մարդու հետ սերտ շփման դեպքում, սակայն վարակի փոխանցման վտանգն ընդհանուր առմամբ շատ ցածր է:
Կապիկի ջրծաղիկի սկզբնական ախտանշաններն են՝ ջերմություն, գլխացավ, մկանային ցավ, մեջքի ցավ, այտուցված ավշային հանգույցներ, դող և հյուծվածություն, ցան։
