Ռուսաստանի 85 տարածաշրջաններից 77-ում անտառային հրդեհներ են մոլեգնում, 46-ում իշխանությունները հատուկ հակահրդեհային ռեժիմ են սահմանել: Ինչպես փոխանցում է DW-ն, այս մասին մայիսի 7-ին հայտնել է «МИР 24» հեռուստաալիքը։
ՏԱՍՍ գործակալության տվյալներով ՝ առավել ծանր իրավիճակ է ստեղծվել Կրասնոյարսկի երկրամասում։
Ինչպես հայտնել են ՌԴ ԱԻՆ-ում, հրդեհվել է ավելի քան 16 բնակավայրերի շուրջ 200 շինություն, այդ թվում՝ մանկապարտեզ: Եղանակով պայմանավորված՝ հրդեհների մարումը բարդանում է. ուժեղ քամին արագացնում է հրդեհների տարածումը և խոչընդոտում դրանց վերացմանը:
Շարիփովյան շրջանում հրդեհների հետևանքով հինգ մարդ է զոհվել։ Ըստ արտակարգ ծառայությունների տեղեկատվության՝ զոհերի թվում երկու երեխա կա։
Կուրգանի մարզում ստիպված է եղել լքել իրենց տները մոտ 500 մարդ, ևս 1000 բնակիչներ կարող են տարհանվել: Բնական հրդեհները ընդհուպ մոտեցել են մի քանի բնակավայրերին և այգեգործական ընկերակցություններին։ Վերջին մեկ օրում մարվել է 157 հրդեհ։
