12.09.2026 | 18:53
Հայկ Սարգսյանը մասնակցել է ՔՊ ժողովին
ԱԺ նիստում զբաղված եք դեզինֆորմացիա տարածելով. Նիկոլ Փաշինյանը՝ Արման Սաղաթելյանին. ՏԵՍԱՆՅՈՒԹ
Քաղաքականություն
01.05.2018 | 13:43
Ազգային ժողովի հատուկ նիստը շարունակվում է: ԱԺ Հանրապետական խմբակցության պատգամավոր Արման Սաղաթելյանը վարչապետի թեկնածու Նիկոլ Փաշինյանին հիշեցրեց ուշագրավ մի հայտարարություն: «Ինձ զարմացնում է, որ մեր երկրում կան մարդիկ, ովքեր իլյուզիաներ ունեն գրավյալ, եթե կուզեք՝ ազատագրված, եթե կուզեք օկուպացված տարածքների վերաբերյալ։ Ես չեմ ընդունում այն տեսակետը, թե լավ դիվանագիտությունը կարող է այնպես անել, որ այդ տարածքները չվերադարձվեն Ադրբեջանին։ Մերը թողած, ուզում ենք տերը լինել ուրիշի»,- Փաշինյանի ենթադրյալ խոսքերը մեջբերեց ՀՀԿ-ական պատգամավորը, ապա հետաքրքրվեց՝ թեկնածուն այսօ՞ր էլ նույն կարծիքի է։
Ի պատասխան Փաշինյանը պարզաբանեց, որ այդ մեջբերումը իր լուսանկարով սոցիալական ցանցերում տարածվում է արդեն հինգ տարի ու ավելին, նշվում է, որ այդ միտքը գրել է «Հայկական ժամանակի» կոնկրետ օրվա, կոնկրետ հոդվածում։
«Այս ընթացքում ես 15 անգամ հրապարակել եմ այդ օրվա համարի լուսապատճենը, որտեղ ձեր ասած որևէ նախադասություն գոյություն չունի։ Ցավում եմ, որ սա իմանալով, սոցիալական ցանցերում ակտիվ լինելով մի՞թե չեք նկատել այդ հոդվածի լուսապատճենը։ Եվ հիմա եկել եք Ազգային ժողովի նիստում զբաղված եք դեզինֆորմացիա տարածելով։ Եթե այդպես է, ուրեմն դուք ու ձեր թիմը կարող է կապ ունենալ այդ դեզինֆորմացիայի տարածման հետ։ Եթե դուք կամ որևէ մեկը մեր գործունեությունը ներկայացնի ազգային, պետական շահերին հակասող, ես ասում եմ, որ շատ լուրջ հիասթափություն է սպասվում»,- արձագանքեց վարչապետի թեկնածուն։
Մանրամասները՝ տեսանյութում:
