23.03.2026 | 23:28
«Դեմոկրատները սա պատերազմ են անվանում, մենք դա կոչում ենք ռազմական գործողություն»․ Թրամփը՝ Իրանի հետ հակամարտության մասին
«Ազգայնականությունը դարձավ պետական քաղաքականության հիմք, և մենք կորցրեցինք ձեռք բերածը». ապոլիտիկ զրույց Աշոտ Սարգսյանի հետ. ՏԵՍԱՆՅՈՒԹ
Հաղորդաշարեր
07.05.2022 | 21:31
Factor TV-ի A-politic հաղորդաշարի հյուրն է պատմաբան Աշոտ Սարգսյանը: Նրա կարծիքով՝ պատմության մեջ գործում են կրկնվող օրինաչափություններ, որոնց հիման վրա հնարավոր է հետադարձ հայացքով դիտարկել տեղի ունեցած իրադարձությունները և գրեթե 100 տոկոսանոց ճշգրտությամբ ասել, թե ինչ հետևանքների կարող էր բերել պատմական այս կամ շրջադարձը: Այդ վարժությունն անհրաժեշտ է՝ հետագայում նույն սխալը չկրկնելու և պատմությունից դասեր քաղելու համար: Հենց այդ պատճառով է, որ Աշոտ Սարգսյանն ու նրա շրջապատը հաճախ են անդրադառնում 1997-1998 թվականների իրադարձություններին:
Պատմաբանն առանձին վեճ ունի մտավորականների հետ, քանի որ, ըստ նրա, այդ խավը պետք է հասարակությանը բացատրի իշխանության սխալները և հեռու պահի որոշում ընդունողներին անհաշվենկատ քայլերից: Երբ մտավորականությունը նպաստում է նման քայլերին, դրանով, Աշոտ Սարգսյանի պնդմամբ, դառնում է հանցակից:
Նա պարզաբանում է, որ հայկական ազգայնականությունը («հայդատականության» տեսքով) կարևոր նշանակություն ուներ պետականության բացակայության պարագայում, անգամ նպաստում էր պետության առաջացմանը: Բայց պետականության պայմաններում ազգայնականությունը պետք է մղվի լուսանցք, իսկ երբ այն դառնում է պետական քաղաքականության հիմք, դա անխուսափելիորեն բերում է աղետի:
Հաղորդման հյուրը վստահ է, որ երբ պետության ղեկավարները կանգնած են ծանր ընտրության, արտաքին քաղաքական ոլորտում ցավագին որոշումների ընդունման անհրաժեշտության առաջ, ավելորդ միջամտությունը կարող է խանգարել և վատթարացնել վիճակը: Ըստ պատմաբանի՝ հիմա, հաշվի առնելով Արևմուտք-Ռուսաստան խիստ սրված հարաբերությունները, անհրաժեշտ է դրսևորել առավելագույն զգուշավորություն:
Մանրամասները՝ տեսանյութում:
