27.03.2026 | 10:51
Հայաստանը Վրաստանին խնդրել է տեղափոխել գազատարի մի հատվածը
ԵՄ-ում Թուրքիայից ապաստան հայցողների թիվը 2021-ին աճել է 45%-ով
Քաղաքականություն
06.05.2022 | 23:30
Եվրոպայում ապաստանի դիմում ներկայացրած Թուրքիայի քաղաքացիների թիվը 2021 թվականին նախորդ տարվա համեմատ աճել է 45 տոկոսով, հայտնում են թուրքական լրատվամիջոցները։
Եվրոստատի տվյալներով՝ անցյալ տարի եվրոպական երկրներում ապաստան է խնդրել Թուրքիայի ավելի քան 20,000 քաղաքացի։ Այդ դիմումների ավելի քան մեկ երրորդն ուղղվել է Գերմանիային, մեկ քառորդը՝ Ֆրանսիային։ Այս երկրներին հաջորդում են համապատասխանաբար Նիդեռլանդները, Շվեյցարիան և Հունաստանը։
Թուրքերի կողմից Եվրոպայում ապաստանի համար դիմումների թիվը սկսեց աճել 2016 թ-ից, երբ երկրում տեղի ուենցավ ռազմական հեղաշրջման անհաջող փորձ, որից հետո իշխող Արդարություն ու զարգացում կուսակցությունը սկսեց բռնաճնշումների գործադրել քաղաքացիների նկատմամբ։
2020-ին էլ դիմումների թիվը նվազել էր՝ կապված COVID-19 համաճարակի պայմաններում սահմանված ճամփորդական սահմանափակումների հետ։
Համաճարակի հետևանքները դեռևս զգացվում էին 2021 թվականի սկզբին, բայց քանի որ ճանապարհորդության սահմանափակումները սկսեցին աստիճանաբար վերացվել ամբողջ տարվա ընթացքում, ապաստանի դիմումների թիվն ավելացավ։
Էմմա Չոբանյան
