09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Սաակաշվիլիի կողմնակիցները պահանջում են նրան տեղափոխել հիվանդանոց
Քաղաքականություն
06.05.2022 | 20:37
Վրաստանի Ռուսթավի քաղաքի բանտի մոտ «Միացյալ ազգային շարժման» և Միխեիլ Սաակաշվիլիի կողմնակիցները բողոքի ցույց են կազմակերպել։ Ցուցարարները եղել են Վրաստանի և Ուկրաինայի դրոշներով, գրում է «Գրուզիա օնլայնը»։
Հաջակցություն Վրաստանի երրորդ նախագահի ակցիայի մասնակիցները վանկարկել են «Միշա, Միշա» և «Ազատություն Միշային»։ Նրանք պահանջում են Սաակաշվիլիին տեղափոխել արտերկիր՝ բուժման։
Ավելի վաղ Վրաստանի հանրային պաշտպանին առընթեր բժիշկների խորհրդի անդամները հայտնել էին, որ ի նշան բողոքի երկու անգամ հացադուլ հայտարարած Սաակաշվիլիի ինքնազգացողությունը վատացել է, իսկ քրեակատարողական ծառայությունը չի կարողացել նրան համապատասխան բուժօգնություն ցուցաբերել։
Քաղաքական գործչի ընտանիքի անդամները պահանջում են Սաակաշվիլիին տեղափոխել արտասահմանյան կլինիկա՝ բուժման համար։
Տաթև Ֆռանգյան
