09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Ադրբեջանի ԶՈՒ ԳՇ պետն այցելել է Քարվաճառում տեղակայված զորամասեր․ ԼՈՒՍԱՆԿԱՐՆԵՐ
Քաղաքականություն
05.05.2022 | 13:27
Ադրբեջանի պաշտպանության նախարարի առաջին տեղակալ, ԶՈՒ Գլխավոր շտաբի պետ Քերիմ Վելիևն այցելել է Արցախի գրավյալ Քարվաճառում տեղակայված զորամասեր և ստուգել զինվորների մարտական պատրաստվածությունը։ Այս մասին հայտնում են ադրբեջանական լրատվամիջոցները՝ վկայակոչելով երկրի ՊՆ-ին։
Նշվում է, որ ԳՇ պետը ծանոթացել է զորքերի ծառայության կազմակերպմանն ու մարտական հերթապահությանը, ինչպես նաև զինծառայողների սոցիալ-կենցաղային պայմաններին։
«Վելիևը ծառայողական խորհրդակցություն է անցկացրել ռազմական միավորման հրամանատարական կազմի հետ, հանդիպման մասնակիցներին ներկայացրել գերագույն գլխավոր հրամանատարի առաջադրած խնդիրները»,- ասվում է հայտարարության մեջ։
Ադրբեջանի ԶՈՒ Գլխավոր շտաբի պետը հանդիպել է նաև սահմանին մարտական հերթապահություն իրականացնող անձնակազմի հետ։
Ուշագրավ է այն, որ Վելիևից այցից առաջ՝ մի քանի օր շարունակ ապատեղեկատվություն էր տարածում, թե հայկական կողմը, իբր, խախտել է հրադադարը։
Էմմա Չոբանյան
