20.08.2026 | 20:37
Կարեն Սարուխանյանը և Անանիկ Ոսկանյանը «օդից փող» են հայտարարագրել․ Մեսրոպ Մանուկյան. ՏԵՍԱՆՅՈՒԹ
Վրացի հոգևորականներ են այցելելու Արցախի գրավյալ տարածքներ
Քաղաքականություն
04.05.2022 | 19:13
Վրաստանի հոգևոր գործիչները պատրաստվում են այցելել Արցախի գրավյալ տարածքներ, գրում են ադրբեջանական լրատվամիջոցները։
Նշվում է, որ վրացական Մառնեուլի քաղաքում Ռամադանի առիթով կազմակերպված միջոցառման ժամանակ այցի մասին հայտարարել է Վրաստանում Ադրբեջանի դեսպան Ֆաիգ Գուլիևը։
Նա նշել է, այցը տեղի է ունենալու առաջիկայում՝ այլ մանրամասներ չհայտնելով։
Հավելենք, որ Վրաստանում Ադրբեջանի դեսպանատունն ու ադրբեջանական պետական նավթային SOCAR ընկերության տեղական ներկայացուցչությունը պարբերաբար կազմակերպում են վրացի փորձագետների, լրագրողների, բլոգերների ու տարբեր գործիչների այցերը Արցախի գրավյալ տարածքներ, հատկապես՝ հայկական Շուշի։ Նման վերջին այցը կազմակերպվել էր օրերս։
Էմմա Չոբանյան
