17.01.2026 | 13:45
UFC-ի չեմպիոն Իլյա Տոպուրիան հայտնել է՝ երբ է վերադառնալու օկտագոն
Եվրախորհրդի ղեկավարը խոստացել է շուտով ազդանշան տալ ԵՄ ընդլայնման հնարավորության վերաբերյալ
Քաղաքականություն
04.05.2022 | 19:29
Եվրոպական խորհրդի ղեկավար Շառլ Միշելը Մոլդովա կատարած այցի ժամանակ մեկնաբանել է ԵՄ հնարավոր ընդլայնումը։ Այս մասին հայտնում է Korrespondent-ը՝ հղում կատարելով տեղական NewsMaker հրատարակությանը։
Գնահատելով Մոլդովայի՝ ԵՄ-ի անդամակցության թեկնածուի կարգավիճակ ստանալու արագացված հնարավորությունը՝ Միշելը խոստովանել է, որ այդ գործընթացը բարդ է։
«Կարևոր է, որ ԵՄ-ն ունենա հստակ տեսլական կազմակերպությանն անդամակցության գործընթացի վերաբերյալ, սա շատ բարդ քննարկում է տարբեր պատճառներով։ Դուք տեսնում եք, որ ԵՄ-ն բարդ կառույց է, կա վետոյի իրավունք, կարևոր է, որ մենք հստակեցնենք, թե ինչ ենք ցանկանում ապագայում»,- ընդգծել է Միշելը։
Միաժամանակ, ԵՄ Խորհրդի ղեկավարը հավելել է, որ Եվրամիության ընդլայնումը քաղաքական գործիք է, ուստի պահանջում է քննարկում։ Եվրոպան առաջիկա երկու ամսում կկարողանա ազդանշան տալ ընդլայնման հնարավորության մասին։
«Ես համոզված եմ, որ մոտակա երկու ամիսը մենք կկարողանանք ազդանշան տալ այն մասին, թե ինչ ապագա ունի ԵՄ ընդլայնումը»,- հավելել է Միշելը։
Իր հերթին Մոլդովայի նախագահ Մայա Սանդուն նշել է, որ շուտով իշխանությունները ԵՄ-ին կփոխանցեն հարցաթերթիկի երկրորդ մասը, որը կորոշի երկրի պատրաստակամությունը ԵՄ-ին անդամակցության հարցում։ Ավելի վաղ Միշելը հայտարարել է, որ ԵՄ-ն Մոլդովային կտրամադրի հավելյալ ռազմական սարքավորումներ Ուկրաինայում ՌԴ ռազմական գործողությունների ֆոնին։
Տաթև Ֆռանգյան
