20.04.2026 | 14:56
Վարչապետը ներկա է գտնվել Արթուր Աբրահամի անվան մանկապատանեկան մարզահամալիրի հիմնարկեքի արարողությանը
Բողոքի ցույց՝ Գյումրի-Երևան մայրուղում․ ընդդիմադիրներն մոտ 40 րոպե փակ պահեցին այն
Քաղաքականություն
03.05.2022 | 16:08
Ընդդիմադիր տարբեր քաղաքական ուժեր՝ «Ես համաձայն չեմ» շարժման ներկայացուցիչները, ՀՀԿ-ականներ ու ՀՅԴ-ականներ, այսօր բողոքի ցույց են անցկացրել Գյումրի-Երևան մայրուղու Լուսակերտ գյուղի հատվածում։ Նրանք մոտ 40 րոպե փակ են պահել մայրուղին։
Ընդդիմադիրները բարձրախոսով պահանջում էին կառավարության հրաժարականը։ Մեծ թվով ոստիկաններ էին հերթապահում, սակայն որևէ միջադեպ չարձանագրվեց։ Ոստիկանները ցուցարարների հետ բանակցեցին, ինչից որոշ ժամանակ հետո ճանապարհը բացվեց։
Խցանման մեջ մնացած ավտոմեքենաներում կային նաև Երևան մեկնողներ, ովքեր շտապում էին բժշկի։ Ցուցարարները հայտարարեցին, թե ճանապարհը բացում են նաև հանուն նրանց, սակայն հայտարարեցին, որ շարունակելու են բողոքի ցույցերը մինչև չհասնեն իրենց պահանջի կատարմանը։
Արմիկ Մովսիսյան
