23.04.2026 | 09:47
Արտարժույթների փոխարժեքները՝ ապրիլի 23-ի դրությամբ
ԵՄ-ն կարող է մայիսի 10-ին ընդունել ՌԴ-ի դեմ պատժամիջոցների 6-րդ փաթեթը
Քաղաքականություն
03.05.2022 | 14:38
Եվրամիությունը կարող է Ռուսաստանի Դաշնության դեմ պատժամիջոցների վեցերորդ փաթեթը հաստատել ԵՄ արտաքին հարաբերությունների խորհրդի հաջորդ նիստում։ Այս մասին հայտարարել է եվրոպական դիվանագիտության ղեկավար Ժոզեպ Բորելը, փոխանցում է Reuters-ը։
Նա նշել է, որ դաշինքը հույս ունի սահմանափակել էներգակիրների արտահանումը Ռուսաստանից՝ Մոսկվային Ուկրաինա ներխուժելու համար պատժելու ջանքերի շրջանակում:
Սպասվում է, որ Եվրահանձնաժողովն այս շաբաթ կառաջարկի ԵՄ պատժամիջոցների փաթեթ, ներառյալ՝ ռուսական նավթի գնման հնարավոր էմբարգոն: Բորելն ասել է, որ հույս ունի, որ ԵՄ-ն կարող է «միջոցներ ձեռնարկել այս ներմուծումն էականորեն սահմանափակելու համար», սակայն մինչ այժմ բոլոր անդամների համաձայնությունը չկա:
«Բայց ես վստահ եմ, որ գոնե նավթի ներկրման հարցում այս համաձայնությանը հնարավոր կլինի հասնել մինչև Խորհրդի հաջորդ նիստը»,- ասել է նա։
ԵՄ խորհրդի նիստը նախատեսված է մայիսի 10-ին և մայիսի 16-ին։
Տաթև Ֆռանգյան
