08.06.2026 | 15:08
Քրեական վարույթ է նախաձեռնվել Լիճքի համայնքապետի և նրա հարազատների մասնակցությամբ միջադեպի առնչությամբ
Կկարողանա՞, արդյոք, ԵՄ-ն էմբարգո կիրառել ռուսական նավթի համար
Քաղաքականություն
02.05.2022 | 18:54
Ավստրալիան, Մեծ Բրիտանիան, Կանադան և ԱՄՆ-ն անմիջական արգելքներ են սահմանել ռուսական նավթի գնման համար, սակայն Եվրամիության 27 անդամները դեռևս չեն կարողացել համաձայնության գալ ընդհանուր էմբարգոյի շուրջ, գրում է BBC-ի ռուսական ծառայությունը։
ԵՄ-ն հակված է մինչև տարեվերջ ռուսական նավթի ներկրման արգելքին՝ Ռուսաստանի դեմ պատժամիջոցների վեցերորդ փուլի շրջանակում, հայտնում է Reuters-ը՝ վկայակոչելով դիվանագիտական աղբյուրներին: Բացի այդ, ըստ գործակալության, պատժամիջոցների նոր փաթեթը կարող է առանձին բացառություններ սահմանել Հունգարիայի և Սլովակիայի համար։
Երկուշաբթի ավելի վաղ Գերմանիան հայտարարել էր, որ նավթի էմբարգոյի պայմաններում կարող է դիմանալ մինչև այս տարվա վերջ, թեև, ամենայն հավանականությամբ, կլինեն մատակարարումների խափանումներ: Հունգարիան սպառնացել է վետո դնել ԵՄ-ի էմբարգոյի հնարավոր որոշման վրա։
Եվրոպայի շատ նավթավերամշակող գործարաններ իրենք են դադարեցրել ռուսական նավթ գնելը կամ խոստացել են դա անել, երբ իրենց գործող պայմանագրերի ժամկետը լրանա: Հնդկաստանն ու Չինաստանը շարունակում են ռուսական նավթ գնել։
Տաթև Ֆռանգյան
