20.08.2026 | 21:39
Նիկոլ Փաշինյանին կշնորհվի Հեսսեյան խաղաղության մրցանակը
Ֆրանսիան լիովին աջակցում է Հարավային Կովկասում խաղաղության օրակարգին․ Ալիևն ընդունել է Բրիս Ռոքֆոյին
Քաղաքականություն
02.05.2022 | 15:41
Ադրբեջանի նախագահ Իլհամ Ալիևն այսօր ընդունել է ԵԱՀԿ Մինսկի խմբի ֆրանսիացի համանախագահ, Ֆրանսիայի ԱԳՆ Արևելյան գործընկերության դեսպան Բրիս Ռոքֆոյին։ Ադրբեջանական լրատվամիջոցների հաղորդմամբ՝ Ռոքֆոյը նշել է, որ Ֆրանսիան լիովին աջակցում է Հարավային Կովկասում խաղաղության օրակարգին, ինչպես նաև ԵՄ-Ադրբեջան հարաբերություններում տարբեր ոլորտներում նախաձեռնություններին։
Զրույցի ընթացքում շեշտվել է Ադրբեջանի ու ԵՄ-ի միջև համագործակցության հաջող զարգացումը, ինչպես նաև Ալիևի մասնակցությունը 2021 թվականի դեկտեմբերին Բրյուսելում կայացած Արևելյան գործընկերության երկրների գագաթնաժողովին։
«Հանդիպմանը քննարկվել են հետկոնֆլիկտային փուլի և Հայաստանի ու Ադրբեջանի հարաբերությունների կարգավորմանը, խաղաղության պայմանագրի պատրաստման բանակցությունների անցկացմանը, սահմանների դելիմիտացիային վերաբերող հարցեր։ Ընդգծելով, որ Ադրբեջանի առաջ քաշած 5 սկզբունքներն ընդունվել են հայկական կողմից, պետության ղեկավարը խոսել է խաղաղ պայմանագրի շուրջ բանակցություններ սկսելու՝ ադրբեջանական կողմի պատրաստակամության մասին»,- ասվում է հաղորդագրության մեջ։
Հիշեցնենք, որ ապրիլին Բրիս Ռոքֆոյը նաև Հայաստանում էր այցելել և մի շարք հանդիումներ անցկացրել։
Էմմա Չոբանյան
