06.06.2026 | 01:06
«Ուժեղ Հայաստանի» մասնակցությունը կվիճարկվի՞ Վարչական դատարանում, թե՞ ոչ․ «Հանրապետության» անդամը՝ իրենց որոշման մասին
Ուկրաինայի նավահանգիստներում միլիոնավոր տոննա հացահատիկ է արգելափակված․ ՄԱԿ
Քաղաքականություն
02.05.2022 | 17:12
Ուկրաինայի նավահանգիստներում արգելափակված է գրեթե 4.5 միլիոն տոննա հացահատիկ։ ՌԴ-ի ռազմական գործողությունների ֆոնին փակ ծովային ուղիների պատճառով ապրանքը չի կարող արտահանվել։ Այս մասին հայտարարել է ՄԱԿ-ի Պարենի համաշխարհային ծրագրի ներկայացուցիչ Մարտին Ֆրիկը, գրում է VOA-ն։
Մինչ պատերազմի սկիզբը Ուկրաինան աշխարհում ցորենի խոշորագույն արտահանողներից էր և եգիպտացորեն արտադրողներից մեկը։ Շատ երկրներ կախված են ուկրաինական ցորենի մատակարարումից, նշում է ՄԱԿ-ը։
«Քաղցը չպետք է զենք լինի»,- ասել է Ֆրիկը։
Նա կոչ է արել վերականգնել ուկրաինական պարենամթերքի մատակարարումներն այլ երկրներ՝ համաշխարհային պարենային ճգնաժամը մեղմելու համար։
Արևմտյան երկրները բազմիցս զգուշացրել են Ռուսաստանի և Ուկրաինայի միջև պատերազմի պատճառով մի շարք երկրներում հնարավոր պարենային ճգնաժամի և սովի մասին, քանի որ երկու պետություններն էլ հացահատիկի առաջատար արտահանողներն են: Մարտին ՄԱԿ-ը սննդամթերքի գների աճ է արձանագրել ավելի քան 12 տոկոսով։ Սա ռեկորդային է 1990 թվականից։
Պարենի գների աճն ու Ռուսաստանից և Ուկրաինայից մատակարարումների խափանումները սպառնալիքի տակ են դրել Մերձավոր Արևելքում, Աֆրիկայում և Ասիայի որոշ հատվածներում պարենային խնդիրները, որտեղ բնակչությունը մշտապես թերսնված է և միլիոնավոր մարդիկ գոյատևում են սուբսիդավորվող հացով ու էժան մակարոնեղենով:
Տաթև Ֆռանգյան
