18.05.2026 | 23:42
«Անկախ դիտորդ»-ը պահանջում է ազատ արձակել Արթուր Օսիպյանին և պարզաբանում տալ նրա ձերբակալության հիմքերի վերաբերյալ
Բռնության դեպքերը 2 բնույթի են եղել․ Դանիել Իոաննիսյան. ՏԵՍԱՆՅՈՒԹ
Հասարակություն
02.05.2022 | 15:17
Այսօր առավոտյան ժամը 08։30-ից ընդդիմությունը անհնազանդության ակցիաներ է իրականացնում մայրաքաղաքի տարբեր հատվածներում՝ փորձելով կաթվածահար անել կենտրոնական փողոցների երթևեկությունը։ Այդ ընթացքում ոստիկանությունը շուրջ 200 քաղաքացու է բերման ենթարկել, գրանցվել են նաև բռնության դեպքեր։
«Իրազեկ քաղաքացիների միավորում» ՀԿ ծրագրերի համակարգող Դանիել Իոաննիսյանն այսօր հրավիրած ասուլիսում նշեց, որ անհնազանդության ակցիաների ընթացքում բռնության 2 բնույթի դեպքեր են արձանագրվել։
«Ցուցարարների և այլ քաղաքացիների, հիմնականում վարորդների միջև, եղել են վիճաբանություններ, որոնք երբեմն հասել են բռնության: Նման դեպքեր արձանագրվել են մինչև ոստիկանության դեպքի վայր ժամանելը:
Ինչ վերաբերում է ոստիկանության կողմից բռնության դեպքերին, ապա մի քանի դեպք է արձանագրվել: Ոստիկանության կողմից չեն կիրառվել հատուկ միջոցներ: Ոստիկանության կողմից հիմնականում կիրառվում է ֆիզիկական ուժ: Ցավոք ոչ բոլոր դեպքերում է ոստիկանը բանավոր ներկայացնում իր պահանջները, հետո նոր կիրառում ֆիզիկական ուժ: Եղել են դեպքեր, երբ ոստիկանները առանց նախազգուշացման դիմել են ֆիզիկական ուժի:
Առավել խնդրահարույց երկու իրավիճակ է արձանագրվել. Աբովյան – Սայաթ-Նովա խաչմերուկում մեկ քաղաքացու ինքնագիտակցություն է վատացել, և երկրորդ՝ քաղաքացու նկատմամբ բռնություն է կիրառվել բերման ենթարկելիս, ոստիկանության ծառայողն անտեղի երեք անգամ բռունցքով հարված է հասցրել քաղաքացուն»,- նշեց Իոաննիսյանը:
Մանրամասները՝ տեսանյութում։
