08.06.2026 | 16:27
ԲՀԿ-ն վերահաշվարկ է սկսել․ պնդում է՝ կան անհամապատասխանություններ արձանագրությունների և ԿԸՀ-ում նշված տվյալների միջև
ՀՀ-ում կներդրվի աշխատանքային պայմանագրերի էլեկտրոնային կնքման ու հաշվառման համակարգ. ՏԵՍԱՆՅՈՒԹ
Հասարակություն
02.05.2022 | 14:31
ՀՀ-ում կներդրվի աշխատանքային պայմանագրերի էլեկտրոնային կնքման ու հաշվառման համակարգ։ Այս մասին Աշխատանքի և աշխատավորների միջազգային օրվան նվիրված ասուլիսին ասաց ՀՀ առողջապահական և աշխատանքի տեսչական մարմնի աշխատանքային օրենսդրության վերահսկողության վարչության պետ Իգիթ Հակոբյանը։
«2023-ի հուլիսից պետական մարմինները կանցնեն էլեկտրոնային պայմանագրերի կնքման, իսկ 2025 թվականին ոչ պետական հատվածը, որը, ըստ էության, կապահովի աշխատանքային իրավունքների վերահսկելիության մակարդակը և շատ ավելի թափանցիկ կդարձնի ԱԱՏՄ-ի կողմից կատարվող աշխատանքները»,- ընդգծեց Հակոբյանը:
Նրա հավաստմամբ՝ թղթային տարբերակով աշխատանքային պայմանագրեր կնքելու ժամանակ որոշակի խոչընդոտներ են առաջանում ԱԱՏՄ-ի կողմից վերահսկողություն իրականացնելու տեսանկյունից:
«Շատ են լինում դեպքերը, երբ դիմումներ ենք ստանում վերջնահաշվարկ չկատարելու, սահմանված ժամկետներում աշխատավարձ չվճարելու վերաբերյալ, և պարզվում է՝ աշխատանքային պայմանագիր կնքված չի եղել: Այդ դեպքում տեսչական մարմինը զրկվում է վերահսկողություն իրականացնելու հնարավորությունից, և չենք կարողանում կարգադրագիր արձակել: Իսկ էլեկտրոնային հարթակի ներդրմամբ տեսչական մարմինը կունենա տվյալների հսկայական բազա, հնարավոր է բացահայտվեն անօրինական աշխատանքի դեպքեր»:
Մանրամասները՝ տեսանյութում։
