10.10.2026 | 13:51
Ավինյանը շնորհավորել է Երևանի տոնը՝ կոչ անելով երևանցիներին դուրս գալ քաղաք և մասնակցել տոնակատարություններին
Ռուսաստանում մայիսմեկյան ցույցերի ժամանակ ավելի քան 200 մարդ է ձերբակալվել
Քաղաքականություն
02.05.2022 | 14:49
Ռուսաստանի 18 քաղաքներում մայիսմեկյան ակցիաների ժամանակ ավելի քան 200 մարդ է բերման ենթարկվել։ Նման տվյալներ է հրապարակել «ОВД-Инфо» իրավապաշտպան նախագիծը։ Ձերբակալվածների ամենամեծ թիվը գրանցվել է Մոսկվայում և Սանկտ Պետերբուրգում՝ յուրաքանչյուր քաղաքում մոտ 80 մարդ, գրում է DW-ի ռուսական ծառայությունը։
Շատերը միայնակ պիկետներ են անցկացրել մայիսմեկյան և հակապատերազմական կարգախոսներով պաստառներով: Մոսկվայում Դմիտրի Սիլինին բերման են ենթարկել Պուշկինսկայա հրապարակում, ում ձեռքին եղել է «Խաղաղություն, աշխատանք, մայիս» գրությամբ պաստառ, հաղորդում է «Ազատություն» ռադիոկայանը:
«Նովայա գազետա»-ի լրագրողներ Ելենա Լուկյանովան և Անդրեյ Դուշուտինն էլ բերման են ենթարկվել Սանկտ Պետերբուրգում, երբ նկարահանվել է նկարչուհի Ելենա Օսիպովայի հակապատերազմական ակցիան, որը պարբերաբար պիկետներ է անցկացնում իր նկարների ցուցադրությամբ։
Սանկտ Պետերբուրգում՝ Վասիլևսկի կղզում, բերման են ենթարկել Աննա Անիսիմովային, որն իրեն ձեռնաշղթաներով կապել է հեռուստահաղորդավար Վլադիմիր Սոլովյովի պատկերով հեռուստացույցին։
Նովոսիբիրսկում և Եկատերինբուրգում էլ բերման է ենթարկվել մի քանի տասնյակ մարդ։ Ձերբակալություններ են տեղի ունեցել նաև Նիժնի Նովգորոդում, Կիրովում, Պերմում, Յարոսլավլում և մի շարք այլ քաղաքներում։
Տաթև Ֆռանգյան
