08.06.2026 | 13:24
2025 թվականի բյուջեի կատարողականի նախնական քննարկումները ԱԺ-ում. ՈՒՂԻՂ
Հռոմի պապն Ուկրաինայում պատերազմն անվանել է «մարդկության սարսափելի հետընթաց»
Քաղաքականություն
01.05.2022 | 20:59
Հռոմի Պապ Ֆրանցիսկոսը Վատիկանի Սուրբ Պետրոսի հրապարակում իր ցերեկային քարոզի ժամանակ Ուկրաինայում պատերազմն անվանել է «մարդկության սարսափելի հետընթաց», որի պատճառով նա «տառապում է և լաց լինում»: Նա Մարիուպոլի ռմբակոծությունն ու ավերումը բարբարոսական է անվանել և կոչ արել հումանիտար միջանցք ապահովել «Ազովստալում» գտնվող մարդկանց համար, փոխանցում է BBC-ի ռուսական ծառայությունը։
ՌԴ ԱԳՆ-ի փոխանցմամբ՝ Մարիուպոլում «Ազովստալի» տարածքից դուրս է բերվել 80 քաղաքացիական անձ, այդ թվում ՝ կանայք և երեխաներ։
Հռոմի պապն առաջին անգամ չէ, որ խոսում է Ուկրաինայում պատերազմի մասին։ Ապրիլի սկզբին Մալթա կատարած այցի ժամանակ նա հայտարարել էր, որ Եվրոպայի արևելքից «եկել է պատերազմի խավարը»։
«Քանի դեռ հերթական անգամ ինչ-որ ազդեցիկ, որը, ցավոք, փակված է ազգայնական շահերի անախրոնիկ նկրտումների մեջ, հրահրում է կոնֆլիկտ, հասարակ մարդիկ զգում են ապագա կառուցելու անհրաժեշտությունը, որը կա՛մ կլինի համատեղ, կա՛մ ընդհանրապես չի լինի»,- ասել էր այն ժամանակ Ֆրանցիսկոս պապը:
