07.10.2026 | 23:48
Արթուր Դանիելյանը կալանավորվեց
Հղի կնոջը վրաերթի ենթարկած Փաշինյանին ուղեկցող ՃՈ պաշտոնյան ստորագրությամբ ազատ է արձակվել
Հասարակություն
29.04.2022 | 22:56
Վարչապետ Նիկոլ Փաշինյանի ավտոշարասյանն ուղեկցած Ճանպարհային ոստիկանության սպայական վաշտի հրամանատար Արամ Նավասարդյանին քիչ առաջ ստորագրությամբ ազատ են արձակել: Տեղեկությունը Factor.am-ի հետ զրույցում հայտնեց Նավասարդյանի պաշտպան Ռուբեն Բալոյանը:
Այսօր Արամ Նավասարդյանին մեղադրանք էր առաջադրվել ճանապարհային երթևեկության կանոնները խախտելու համար, որը հանգեցրել է մարդու մահվան։
Հիշեցնենք՝ երեք օր առաջ Երևանի Լեո-Պարոնյան փողոցների խաչմերուկում վարչապետի ավտոշարասյանն ուղեկցող Արամ Նավասարդյանն, արագ սլանալով, վրաերթի էր ենթարկել 29-ամյա հղի կնոջ: Կինն ու դեռ չնված երեխան մահացել էին:
Այս քրեական գործով անցնող այլ կասկածյալներ և մեղադրյալներ չկան: Ինքը՝ Փաշինյանը, հրապարակավ չի անդրադարձել իր շարասյան արագ ընթացքի հետևանքով տեղի ունեցած ողբերգությանը: Արդեն մի քանի ամիս է՝ խոսնակ չունեցող վարչապետի աշխատակազմի ղեկավարի տեղակալ Տարոն Չախոյանն է միայն ֆեյսբուքում գրառում կատարել: Փաշինյանի թիմակցի խոսքով՝ վարչապետը հեռախոսազրույց է ունեցել մահացած կնոջ հոր հետ:
Նարեկ Կիրակոսյան
