23.04.2026 | 09:47
Արտարժույթների փոխարժեքները՝ ապրիլի 23-ի դրությամբ
Գերմանիան Թուրքիայի դեսպանին կանչել է ԱԳՆ՝ իրավապաշտպան Քավալային ցմահ ազատազրկման հարցով
Քաղաքականություն
29.04.2022 | 22:40
Գերմանիան երկրում Թուրքիայի դեսպանին կանչել է ԱԳՆ իրավապաշտպան Օսման Քավալայի դատավճռի կապակցությամբ։ Այս մասին գրում է AFP-ն՝ վկայակոչելով ԱԳՆ խոսնակին, փոխանցում է Turkishminute-ը։
«Կարող եմ ձեզ ասել, որ մենք այսօր կանչել ենք Թուրքիայի դեսպանին ԱԳՆ ու ևս մեկ անգամ շատ հստակ հայտնել ենք կառավարության դիրքորոշումը»,- ասել է խոսնակը հերթական ճեպազրույցում։
Հիշեցնենք, որ թուրքական դատարանը երկուշաբթի Օսման Քավալային դատապարտել է ցմահ ազատազրկման՝ կառավարությունը տապալելու փորձի վիճելի մեղադրանքներով: Նա արդեն չորս տարուց ավելի բանտարկված էր առանց դատավճռի։
Այս վճիռն անմիջապես դատապարտեցին մի շարք երկրներ, այդ թվում՝ Գերմանիան։ Մասնավորապես, Գերմանիայի ԱԳ նախարար Աննալենա Բաերբոքը կոչ էր արել անհապաղ ազատ արձակել նրան։ Պաշտոոնյան նշել էր, որ Քավալայի բանտարկությունը «բացահայտ հակասում է օրենքի գերակայության չափանիշներին և միջազգային պարտավորություններին, որոնք ստանձնել է Թուրքիան՝ որպես Եվրոպայի խորհրդի անդամ և ԵՄ անդամակցության թեկնածու»։
Դատարանը նաև յոթ այլ մեղադրյալների դատապարտել է 18-ական տարվա ազատազրկման՝ իշխանությունը տապալելու փորձին օժանդակելու մեղադրանքով։
Էմմա Չոբանյան
