Գուբերնիայի հոգեբանությունը երևում է մեր օպերային թատրոնի «ռուսական» խաղացանկում. Ռուդոլֆ Խառատյան․ ՏԵՍԱՆՅՈՒԹ

«Մեր օպերային թատրոնը մեր պետության փոքր մոդելն է, և երկիրը շարժվում է այնտեղ, ուր շարժվում է թատրոնը:

Խաղացանկը ցույց է տալիս, որ մենք, ցավոք, դոփում ենք նույն տեղում, ամեն ինչին նայում ենք ռուսական պատուհանից, չենք կարողանում ազատվել սովետական մտածելակերպից»,- Factor TV-ի հետ զրույցում նման տեսակետ է հայտնում խորեոգրաֆ, Հայաստանի ժողովրդական արտիստ Ռուդոլֆ Խառատյանը:

Նա խոսում է նաև այն ուղու մասին, որով շարժվում է մեր պետությունը: Մեր զրուցակցի կարծիքով` այն, որ հազարավոր տարիներ շարունակ մենք կորցնում ենք հող ու գաղափար, մեր պառակտված լինելու պատճառով է: Ինչ վերաբերում է այսօրվա ներքին քաղաքական կյանքին, Ռուդոլֆ Խառատյանը նշում է.

«Հայաստանի իշխանությունը վախեցած է, չի ուզում «կոտորածների» գնալ, իսկ ընդդիմությունը, որն ակցիաներ է անում, ռուսական պրոպագանդա է անում. իրենց չեմ հավատում, ուզում են Ռուսաստանի գուբերնիա դառնանք: Ի դեպ, այդ ռուսական գուբերնիայի հոգեբանությունը օպերային թատրոնի խաղացանկում այնքան լավ է երևում. խաղացանկում մեծ մասամբ ռուսական ներկայացումներ են. Ռյազանից ավելի ցածր մակարդակում ենք»:

Ռուդոլֆ Խառատյանը արտաքին վտանգներին դիմակայելու հարցում կարևորում է ներքին համախմբվածությունը.

«Պուտինը հստակ ասել է, որ Արցախն Ադրբեջան է: Նա կարող է ուղղակի ծախել Արցախը, ի՞նչ ենք մենք անելու` սա է կարևորը: Ուկրաինայում ընդդիմությունը միացավ Զելենսկուն, համախմբվեցին, մի ճակատով գնում են առաջ…Մերոնք էլ պետք է համախմբվեն մի գաղափարի շուրջ, հետո թող իրար «ուտեն»»:

Մանրամասները` տեսանյութում:

Աննա Բաբաջանյան