05.07.2026 | 16:43
Կրեմլը մանրամասներ է հայտնել Պուտինի և Թրամփի հեռախոսազրույցի բովանդակությունից
Հանրապետականը պետք է հարգի իր լիդերի խոսքը, որն ասաց՝ Նիկոլը ճիշտ էր, ես սխալ. Արսինե Խանջյան. ՏԵՍԱՆՅՈՒԹ
Հասարակություն
29.04.2018 | 19:56
«Հրաշք պահ է, իսկապես հրաշք եմ ապրում»,- այս մասին Հանրապետության հրապարակում ընթացող հանրահավաքի ժամանակ հայտարարեց կանադահայ հայտնի դերասանուհի Արսինե Խանջյանը:
Դերասանուհին ասաց, որր վերջին երեք օրերին իր ապրած պահերն անբացատրելի են: Ըստ նրա՝ թեև սյփուռքից հետևում էին, տեսնում, թե ինչ է կատարվում Հայաստանում, սակայն մարդկանց աչքերը չէին տեսնում:
«Ձեր հեղափոխությունը դուք կատարեցիք ձեր հույսով, ձեր հավատքով, ձեր ներկայությամբ: Հայաստանի մեջ շատ բան է փոխվում: Նաև լսում ենք՝ այս հեղափոխությունը թավշյա հեղափոխություն է: Իրականում այս հեղափոխությունը ժպիտի հեղափոխություն է, դուք ժպիտ ունենք ձեր աչքերում»,- հարթակից հայտարարեց դերասանուհին:
Ըստ դերասանուհու՝ Սերժ Սարգսյանը հրաժարական տվեց և շատ լավ բան արեց. «Նա նաև շատ լավ բան ասաց, ասաց՝ ես սխալ էի, Նիկոլը ճիշտ էր: Հանրապետականը, չունենալով, լիդեր պետք է հարգի իր լիդերի՝ Սերժ Սարգսյանի խոսքը: Ես չեմ հասկանում՝ Սերժ Սարգսյանն ինչու է ասել այդ խոսքերը, բայց քանի որ ասել է՝ յուրաքանչյուր ՀՀԿ-ական այն պետք է ընդունի»:
Մանրամասները՝ տեսանյութում:
