09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Ուկրաինայում պատերազմի բեկումնային պահը կգա հաջորդ ամիս․ The Guardian
Քաղաքականություն
28.04.2022 | 22:45
Ուկրաինայում պատերազմի բեկումնային պահը կգա հաջորդ ամիս, այն բանից հետո, երբ երկիր կհասնի արևմտյան սպառազինությունների վերջին ալիքը, ներառյալ՝ ամերիկյան հաուբիցները՝ զուգորդված գերմանական և բրիտանական ՀՕՊ-երով:
Այժմ Ուկրաինայի զինված ուժերը «համարյա ունակ չեն» հակահարձակումների և իրենց գրավյալ տարածքների վերադարձի։ Այս մասին գրում է The Guardian-ը։
Լրագրողները նշել են, որ Ուկրաինայում պատերազմը կանգ է առել։ Դոնբասում ռուսական հարձակումը լիովին հաջողված չէ և նոր է սկսում զարգանալ առանց որևէ լուրջ բեկման նշանների: Արևելքում ռուսական զորքերի ձախողումները լրագրողները պայմանավորում են տարածաշրջանում անբարենպաստ եղանակով, Ուկրաինայի զինված ուժերի ուժեղ դիմադրությամբ, ինչպես նաև՝ ռուսական հրամանատարության և վերահսկողության խնդիրներով։
Ընդ որում, ուկրաինական ուժերը դեռևս չեն կարողանում լայնածավալ հակահարձակում սկսել և սպասում են Արևմուտքից զենքին։ Միաժամանակ, եթե ռազմական օգնությունը բավարար չլինի ռազմական հավասարակշռությունը փոխելու համար, «հարց կառաջանա, թե այլ ինչ պարտավորություններ են պատրաստ ստանձնել ԱՄՆ-ն, Մեծ Բրիտանիան և ՆԱՏՕ-ի մյուս անդամները»։
Հրատարակությունում նաև կարծում են, որ Պուտինի միջուկային սպառնալիքները վախեցնելու նպատակ ունեն, սակայն մնում է անհաղթահարելի վտանգը, որ Ռուսաստանի նախագահը կգնա իրավիճակի էլ ավելի սրման, եթե վտանգ զգա։
Տաթև Ֆռանգյան
