16.04.2026 | 23:27
Ինչ իրավիճակ է Հայաստանի ճանապարհներին և Լարսում
Ռուսաստանը գրեթե կրկնապատկել է ԵՄ երկրներին վառելիքի վաճառքից գոյացած եկամուտները․ The Guardian
Քաղաքականություն
28.04.2022 | 11:51
Ուկրաինայում պատերազմի սկզբից ի վեր Ռուսաստանը գրեթե կրկնապատկել է ԵՄ երկրներին հանածո վառելիքի վաճառքից գոյացած եկամուտները: Նույնիսկ վաճառքի ընդհանուր անկման պայմաններում էներգակիրների գների աճը, ըստ ֆիննական էներգետիկայի և մաքուր օդի հետազոտությունների CREA կենտրոնի, Մոսկվային բերել է մոտ 62 միլիարդ եվրո։
Ռուսաստանը շարունակում է օգտագործել Եվրոպայի էներգետիկ կախվածությունը՝ չնայած ԵՄ առաջնորդների հուսահատ ջանքերին՝ թույլ չտալու Պուտինին էներգիան օգտագործել որպես քաղաքական և տնտեսական ճնշման լծակ, գրում է բրիտանական Guardian թերթը՝ մեջբերելով CREA-ի հետազոտությունը:
Ռուսական նավթի, ածխի և գազի ներմուծումը Եվրամիություն պատերազմի երկու ամիսների ընթացքում կազմել է մոտ 44 միլիարդ եվրո։ Համեմատության համար նշենք, որ ամբողջ անցած տարվա ընթացքում այդ գումարը կազմել է 140 մլրդ եվրո կամ ամսական մոտ 12 մլրդ։
Հիմնական գնորդը մնում է Գերմանիան։ Չնայած Ռուսաստանից կախվածությունը նվազեցնելու անհրաժեշտության մասին հավաստիացումներին՝ պատերազմի երկու ամիսների ընթացքում երկիրը ներմուծել է 9 միլիարդ եվրոյի էներգառեսուրսներ։
Էներգակիրներիների գնաճն ավելի քան փոխհատուցում է Ռուսաստանի դեմ պատժամիջոցների հետևանքները, իսկ նոր պատժամիջոցները, ըստ ֆիննական կենտրոնի փորձագետների, խոստանում են միայն էլ ավելի բարձրացնել գները՝ զրոյացնելով Բրյուսելի ջանքերը՝ նրան փակուղի մտցնելով։
Ըստ CREA-ի առաջատար վերլուծաբան Լաուրի Միլիվիրտայի՝ պատժամիջոցներով «Պուտինի մարտական մեքենան վնասազերծելու միակ միջոցը կլինի հանածո վառելիքից արագ և ամբողջությամբ հրաժարումը»։
Տաթև Ֆռանգյան
