17.01.2026 | 15:38
20 տարի առաջ այս օրը Օվեչկինը խփել է NHL-ի պատմության ամենագեղեցիկ գոլերից մեկը․ ՏԵՍԱՆՅՈՒԹ
Բունդեսթագում փոխզիջման են հասել Ուկրաինային ծանր սպառազինության մատակարարման հարցում. ԶԼՄ-ներ
Քաղաքականություն
27.04.2022 | 21:13
Գերմանիայում իշխող կոալիցիայի կուսակցությունները՝ Գերմանիայի Սոցիալ-դեմոկրատական կուսակցությունը, Կանաչներն ու Ազատ դեմոկրատական կուսակցությունը, ինչպես նաև ընդդիմադիր Քրիստոնեա-դեմոկրատական միությունն ու Քրիստոնեա-սոցիալական միությունը փոխզիջման են եկել Ուկրաինային ծանր սպառազինությամբ աջակցելու հարցում։ Այս մասին հայտնում է dpa գործակալությունը՝ վկայակոչելով իր աղբյուրներին, փոխանցում է ՌԻԱ Նովոստին։
Աղբյուրի տվյալներով՝ կողմերը ցանկանում են Բունդեսթագում բանաձև ընդունել հինգշաբթի։ Ընդդիմադիր դաշինքը որոշել է միանալ իշխող կուսակցության առաջարկին։
Ավելի վաղ Süddeutsche Zeitung թերթը, հղում անելով սեփական աղբյուրներին, հայտնել էր, որ Ռամշտայն ավիաբազայում ԱՄՆ-ի հրավերով միջազգային հանդիպման ժամանակ Գերմանիան խոստացել է Ուկրաինային մատակարարել «Հեպարդ» ինքնագնաց զենիթային համակարգեր։ Այս լուրն ավելի ուշ հաստատել է Գերմանիայի պաշտպանության նախարարը։
Էմմա Չոբանյան
