23.04.2026 | 12:59
Հաստատված խաղաղությունը հիմնված է փոխվստահության վրա․ ԱԽ քարտուղար
Անհայտ ծագման հեպատիտն արդեն հայտնաբերվել է ԵՄ 12 երկրներում
Քաղաքականություն
27.04.2022 | 23:01
Աշխարհում երեխաների մոտ անբացատրելի ծանր հեպատիտի գրեթե 200 դեպք է հայտնաբերվել, գրում է Euronews-ը:
Մեծ Բրիտանիան ամենաշատ տուժած երկիրն է․ վերջին հաշվարկների համաձայն՝ գրանցվել է 111 դեպք: Եվս 40 դեպք է հայտնաբերվել Եվրամիությունում և Եվրոպական տնտեսական տարածքում, ասել է Հիվանդությունների կանխարգելման և վերահսկման եվրոպական կենտրոնի (ECDC) տնօրեն դոկտոր Անդրեա Ամմոնը: Դեպքեր են հաստատվել նաև ԱՄՆ-ում և Իսրայելում։
Առողջապահության հարցերով եվրահանձնակատար Ստելլա Կիրիակիդեսը հայտարարել է, որ անհայտ ծագման հեպատիտն արդեն հայտնաբերվել է ԵՄ 12 երկրներում:
«ԵՄ-ն շատ ուշադիր հետևում է իրավիճակին, դա մտահոգիչ է։ Ապրիլի 25-ի դրությամբ, կարծում եմ, ունենք մոտ 40 հաստատված դեպք 12 անդամ երկրներում, սա անհայտ բնույթ է կրում»,- պատասխանել է նա հեպատիտի տարածման մասին հարցին։
«Դեպքերը, դատելով ամեն ինչից, առնչվում են մեկ ամսականից մինչև 16 տարեկան երեխաներին»,- հավելել է նա։
Ապրիլի կեսերին հաղորդվել էր, որ Առողջապահության համաշխարհային կազմակերպությունն (ԱՀԿ) ուսումնասիրում է Իսպանիայում, Մեծ Բրիտանիայում և Իռլանդիայում երեխաների մոտ անհայտ ծագման հեպատիտի դեպքերի վերաբերյալ տեղեկատվությունը: Հստակեցվել է, որ լաբորատոր հետազոտությունների ընթացքում A, B, C, E և D տիպերի հեպատիտի վիրուսներ չեն հայտնաբերվել, սակայն մի քանի դեպքերում հայտնաբերվել է SARS-CoV-2 կամ ադենովիրուս։
Տաթև Ֆռանգյան
