10.10.2026 | 12:34
ԱՄՆ-ի և ՌԴ-ի միջև դիզվառելիքի վերաբերյալ համաձայնությունը ներդրում է պատերազմի մեջ․ Զելենսկի
Թուրքիայում առաջարկել են հայ-թուրքական սահմանային անցակետն անվանակոչել Թալեաթ փաշայի անունով
Քաղաքականություն
26.04.2022 | 12:43
Թուրքիայի աջ ծայրահեղական ազգայնական «Հաղթանակ» կուսակցության (Zafer Partisi) ղեկավար Ումիթ Օզդաղը նախօրեին տեղի ունեցած ճեպազրույցում անդրադարձել է թուրքական խորհրդարանի հայազգի պատգամավոր Կարո Փայլանի կողմից Հայոց ցեղասպանությունը ճանաչող օրինագիծ ներկայացնելուն, գրում են տեղական լրատվամիջոցները։
Հիշեցնենք՝ խորհրդարանի նախագահ Մուսթաֆա Շենթոփը օրինագիծ հետ է վերադարձրել։
Օզդաղը, մասնավորապես, առաջարկել է հայ-թուրքական սահմանային անցակետն անվանակոչել Հայոց ցեղասպանության գլխավոր կազմակերպիչներից Թալեաթ փաշայի անունով։ Նա նշել է, որ Թուրքիայի և Հայաստանի միջև «Աքյաքա» սահմանային դարպասը պետք է կոչել «Թալեաթ փաշա»։
«Առաջարկ ենք ներկայացնելու խորհրդարան՝ Թուրքիա-Հայաստան սահմանային դարպասը «Թալեաթ փաշայի սահմանային դարպաս» անվանափոխելու վերաբերյալ։ Դիմում եմ բոլոր կուսակցություններին, այժմ դուք կանգնած եք անկեղծոււթյան փորձության առաջ»,- հայտարարել է Օզդաղը։
Էմմա Չոբանյան
