09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Գնաճի և ճգնաժամի ֆոնին Թուրքիայի ամեն հինգերորդ քաղաքացին չի կարող վճարել կոմունալ վարձերը
Քաղաքականություն
25.04.2022 | 23:30
Թուրքիայում բնակիչների 20 տոկոսը չի կարողանում վճարել կոմունալ վարձերը, իսկ 57 տոկոսն ասում է, որ դժվարանում է դա անել։ Այս մասին են վկայում MetroPoll սոցիոլոգիական ընկերության անցկացրած հարցման արդյունքները։ Թուրքական լրատվամիջոցների հաղորդմամբ՝ քաղաքացիների միայն 23,9 տոկոսն է ի վիճակի առանց խնդրի վճարել իր հաշիվները։
Թուրքիայի քաղաքացիները ցնցվում են թռիչքային գնաճից և էլեկտրաէներգիայի ծախսերի աճից: Հունվարին Թուրքիան բարձրացրել է էլեկտրաէներգիայի և բնական գազի սակագները, որոշ տնտեսությունների համար՝ մինչև 130 տոկոսով։ Սպառողները պայքարում են վերջին 20 տարվա ամենաբարձր գնաճի դեմ, որը մարտին կազմել է 61,1 տոկոս։
Ըստ հետազոտության՝ նրանք, ովքեր ասել են, որ «ի վիճակի չեն վճարել էլեկտրականության ու բնական գազի համար», կազմում են հարցվածների 18,6 տոկոսը՝ նախորդ ամսվա համեմատ աճելով 4,2 տոկոսով։
Ըստ Էներգետիկայի և բնական պաշարների նախարարության տվյալների՝ 2021 թվականին Թուրքիայում մոտ 4,5 միլիոն մարդու էլեկտրաէներգիայի և բնական գազի մատակարարումը դադարեցվել է այն բանից հետո, երբ չեն կարողացել վճարել իրենց հաշիվները երկրում էներգակիրների գների աճի ֆոնին:
Էմմա Չոբանյան
