17.01.2026 | 19:30
Այսօր ԱՄՆ-ի ազդեցությունը Կովկասում շատ ավելի թույլ է, քան Խորհրդային Միության փլուզումից հետո էր․ Ջոն Բոլթոն․ ՏԵՍԱՆՅՈՒԹ
Twitter-ը մոտ է Իլոն Մասկի հետ վաճառքի գործարքին
Քաղաքականություն
25.04.2022 | 22:41
Twitter-ը մոտ է Իլոն Մասկի հետ վաճառքի գործարքին։ The New York Times-ի փոխանցմամբ՝ այս մասին հայտնել է իրավիճակից տեղյակ երկու աղբյուր։ Այս գործարքը կմիավորի աշխարհի ամենահարուստ մարդուն և ազդեցիկ սոցիալական ցանցերից մեկը: Նշվում է, որ համաձայնության մասին կարող է հայտարարվել շատ շաւտով։
The Wall Street Journal-ի հաղորդմամբ էլ՝ Twitter-ը վերանայում է սոցիալական ցանցը գնելու՝ Իլոն Մասկի առաջարկը։ Հնարավոր վաճառքի շուրջ բանակցությունները սկսվել են կիրակի։
Երբ միլիարդատերն առաջին անգամ հայտարարեց, որ պատրաստ է Twitter-ի համար վճարել 43 միլիարդ դոլար, ընկերությունը մերժեց վաճառքի առաջարկը։ WSJ-ի աղբյուրների համաձայն՝ բանակցություններում խոչընդոտ է դարձել Մասկի հայտարարությունը, թե առաջարկը «լավագույնն է և վերջինը»։
Այնուամենայնիվ, Twitter-ի խորհուրդը որոշել է կապ հաստատել Tesla-ի հիմնադրի հետ՝ գործարքն ավարտելու նրա կարողությունների մասին լրացուցիչ տեղեկություններ հավաքելու, ինչպես նաև ավելի լավ պայմաններ ստանալու համար: Ընկերությունը նախկինում հայտարարել է, որ հավատարիմ է առաջարկի մանրակրկիտ, համապարփակ և մտածված վերանայմանը:
Տաթև Ֆռանգյան
