08.06.2026 | 13:41
Էստոնիայի վարչապետը շնորհավորել է Փաշինյանին ԱԺ ընտրություններում ՔՊ-ի հաղթանակի առիթով
Մակրոնն առաջատարն է Ֆրանսիայի նախագահական ընտրությունների երկրորդ փուլում. Exit poll
Քաղաքականություն
24.04.2022 | 21:24
Էմանուել Մակրոնն առաջատարն է Ֆրանսիայի նախագահական ընտրությունների երկրորդ փուլում։ Նա հավաքել է ձայների 55-58 տոկոսը: Այս մասին գրում է բելգիական LN24 հեռուստաալիքը:
Ծայրահեղ աջ «Ազգային միավորում» կուսակցության առաջնորդ Մարին Լը Պենը հավաքել է 42-45 տոկոս:
Հեռուստաալիքը վկայակոչում է հասարակական կարծիքի ուսումնասիրման չորս հեղինակավոր կենտրոնների հարցման տվյալները ֆրանսիացիների շրջանում, որոնք քվեարկել են մինչև տեղական ժամանակով ժամը 17:00-ն (Երևանի ժամանակով ժամը 19:00-ն):
Ֆրանսիայում մինչև քվեարկության ավարտն արգելվում է հրապարակել քվեարկության որևէ նախնական տվյալ կամ հարցումների արդյունքներ: Սակայն այդ սահմանափակումը չի տարածվում այլ երկրների լրատվամիջոցների վրա։
Ֆրանսիայի նախագահն ընտրվում է հինգ տարով։ Քվեարկությանը կարող է մասնակցել մոտ 49 մլն քաղաքացի։
Հիշեցնենք, որ առաջին փուլը տեղի է ունեցել ապրիլի 10-ին, որին մասնակցել է 12 թեկնածու։ Երկրորդ փուլ են անցել Մակրոնն ու Լը Պենը։ Առաջին փուլում գործող նախագահը հավաքել է ձայների 27,84 տոկոսը, «Ազգային միավորման»առաջնորդը՝ 23,15 տոկոսը:
