29.07.2026 | 00:56
«Արարատ-Արմենիան» դուրս եկավ Չեմպիոնների լիգայի որակավորման երրորդ փուլ. ՏԵՍԱՆՅՈՒԹ
ՊՊԾ-ին 124 մլն դրամ կհատկացվի. անհրաժեշտությունը բխում է Հայաստանի վերափոխման 2050 ռազմավարությունից
Քաղաքականություն
21.04.2022 | 21:51
Կառավարության պահուստային ֆոնդից 124 մլն 330 հազար դրամ է նախատեսվում հատկացնել ԱԱԾ Պետական պահպանության ծառայությանը՝ վերջինիս բնականոն գործունեությունն ապահովելու նպատակով: Այս մասին Factor.am-ը տեղեկանում է ԱԱԾ-ի կողմից շրջանառության դրված որոշման նախագծից:
Թե հստակ ինչ նպատակներով է հատկացվում նշյալ գումարը հատուկ ծառայությունը, չի մանրամասնել: Նախագծի այդ հատվածը գաղտնի է պահվում:
Նշենք, որ ՊՊԾ-ն զբաղվում է Հայաստանում բարձրաստիճան պաշտոնյաների և հատուկ պահպանվող շինությունների անվտանգության ապահովությամբ:
Ուշագրավ է, որ հիմնավորման բաժնում նշված է, թե 124 մլն դրամի հատկացումը ՊՊԾ-ին բխում է Հայաստանի վերափոխման 2050 ռազմավարությունից:
Հիշեցնենք՝ սա բարեփոխումների ծրագիր է, որի մասին Նիկոլ Փաշինյանը հայտարարել էր 2020 թվականի սեպտեմբերի 21-ին: Մինչև 2050 թվականը նախատեսվում է Հայաստանում առանցքային փոփոխություններ իրականացնել՝ անվտանգայինից մինչև սոցալ-տնտեսական:
Factor.am-ն ավելի վաղ տեղեկացրել էր, որ շրջանառվում է նախագծի, որով նախատեսվում է ՊՊԾ-ն առանձնացնել ԱԱԾ-ից և դարձնել վարչապետին ենթակա մարմին:
Նարեկ Կիրակոսյան
