10.10.2026 | 12:14
Երևանի Կենտրոնում ազոտի երկօքսիդի պարունակությունը 4 օր գերազանցել է թույլատրելի սահմանը
ՌԴ-ն պատժամիջոցների ցուցակում է ներառել Քամալա Հարիսին, Մարկ Ցուկերբերգին և ԱՄՆ-ի ևս 27 քաղաքացու
Քաղաքականություն
21.04.2022 | 21:38
Ռուսաստանը պատժամիջոցների իր ցուցակում 29 ամերիկացու է ներառել, որոնց թվում են պաշտոնյաներ, գործարարներ, փորձագետներ, լրագրողներ։ Այս մասին հայտնում է ՌԴ ԱԳՆ-ն, գրում է ՏԱՍՍ-ը։
«Ի պատասխան ընդլայնվող հակառուսական պատժամիջոցների, որոնց շարքում Ջո Բայդենի վարչակազմն ավելի շատ Ռուսաստանի քաղաքացիների է ներառում, ինչպես պաշտոնյաների, նրանց ընտանիքի անդամների, ինչպես նաև գործարար շրջանակների, գիտնականների և մշակութային գործիչների նկատմամբ, ցուցակում ներառվում են 29 ամերիկացիներ բարձրագույն ղեկավարությունից, գործարարներից, լրագրողներից, փորձագետներից, որոնք ռուսաֆոբ օրակարգ են ձևավորում» ,-ասվում է հայտարարության մեջ։
Ցուցակում են հայտնվել ԱՄՆ փոխնախագահ Քամալա Հարիսը, Meta ընկերության ղեկավար Մարկ Ցուկերբերգը։ Բացի այդ` պատժամիջոցներ են սահմանվել Կանադայի 61 քաղաքացու նկատմամբ։
Էմմա Չոբանյան
