08.06.2026 | 15:08
Քրեական վարույթ է նախաձեռնվել Լիճքի համայնքապետի և նրա հարազատների մասնակցությամբ միջադեպի առնչությամբ
Ադրբեջանը կառուցում է Բերձորը շրջանցող նոր ճանապարհը․ ԼՈՒՍԱՆԿԱՐՆԵՐ
Քաղաքականություն
21.04.2022 | 16:16
Ադրբեջանի պետական ավտոմոբիլային ճանապարհների գործակալությունը կառուցում է Բերձորը շրջանցող նոր ավտոմոբիլային ճանապարհը։ Այս մասին հայտնում են ադրբեջանական լրատվամիջոցները։
Նշվում է, որ նոր ավտոճանապարհի երկարությունը 32 կմ է։ Նախագծի համաձայն՝ երկկողմանի ավտոճանապարհի երթևեկելի մասի լայնությունը կկազմի 7 մետր, ճանապարհի լայնությունը՝ 12 մետր։ Ներկայում ճանապարհի երկայնքով մասշտաբային շինարարական աշխատանքներ են։
Հավելենք, որ ըստ 2020թ․ նոյեմբերի 9-ի Հայաստանի, ՌԴ-ի և Ադրբեջանի ղեկավարների ստորագրած եռակողմ հայտարարության՝ կողմերի համաձայնությամբ, Լեռնային Ղարաբաղի և Հայաստանի միջև կապն ապահովելու համար առաջիկա երեք տարիների ընթացքում պիտի հաստատվի Լաչինի միջանցքի երկայնքով նոր երթուղու կառուցման նախագիծ, որից հետո ռուսական խաղաղապահ զորակազմը կվերատեղակայվի՝ այդ երթուղու անվտանգությունն ապահովելու համար:
Էմմա Չոբանյան
