10.10.2026 | 10:44
«Կտրվի Ամուլսարի հանքավայրի շահագործման մեկնարկը»․ Փաշինյան
Ռուսաստանն ուզում է պատերազմում հաջողություններ գրանցել մինչև մայիսի 9-ը՝ Հաղթանակի օրը․ Մեծ Բրիտանիայի ՊՆ
Քաղաքականություն
21.04.2022 | 13:25
Ռուսաստանը, ամենայն հավանականությամբ, ցանկանում է նշանակալի հաջողությունների հասնել մայիսի 9-ի՝ Հաղթանակի օրվա տոնակատարություններին ընդառաջ, և դա կարող է ազդել այն բանի վրա, թե որքան արագ և ուժգին նրանք կփորձեն գործողություններ իրականացնել։ Այս մասին ասվում է Մեծ Բրիտանիայի Պաշտպանության նախարարության այսօրվա ամփոփագրում, գրում է BBC-ն։
Նշվում է, որ մայիսի 9-ին տոնվում է նացիստական Գերմանիայի դեմ ԽՍՀՄ-ի հաղթանակը, և Ռուսաստանում օրը մեծ շուքով է նշվում։
Ռուսական ուժերը հիմա առաջ են շարժվում Դոնբասում՝ Կիևը գրավելու անհաջող փորձից հետո։
«Ռուսական զորքերը շարժվում են դեպի Կրամատորսկ քաղաք, որը շարունակվում է ենթարկվել հրթիռային հարձակումների։ Ռուսական ավիացիայի բարձր մակարդակի ակտիվությունը շարունակվում է, քանի որ Ռուսաստանը ձգտում է օդից աջակցել Արևելյան Ուկրաինայում հարձակողական գործողություններին՝ ոչնչացնելու և ճնշելու Ուկրաինայի ՀՕՊ կարողությունները»,- ասվում ՊՆ հաղորդագրության մեջ։
Էմմա Չոբանյան
